Belina Budini
Cikli i lajmeve nga Shqipëria është rikthyer në mediat angleze dhe ky nuk është një lajm i mirë. Ngjarja është sërish emigracioni i paligjshëm i shqiptarëve.
Edhe pse raportimet jo gjithnjë janë bazuar në fakte të verifikuara, apo pohime të sakta në lidhje me ngjarjen, rritja e numrave të emigracionit të paligjshëm të shqiptarëve drejt Mbretërisë së Bashkuar, është një fakt zyrtar i konfirmuar nga Home Office. Mbi këtë fakt u ngritën deklarata politike të zhurmshme dhe problematike nga ana e anëtarëve të qeverisë dhe të Parlamentit britanik, që u shoqëruan me mbulim të gjerë dhe të vazhdueshëm mediatik të elementit shqiptar si ilustrues i fenomenit të emigracionit të paligjshëm dhe kriminalitetit të importuar nga jashtë dhe specifikisht nga Shqipëria drejt Anglisë.
Lajm i mirë ishte reagimi i shpejtë dhe i drejtë i palës shqiptare ndaj spekulimeve politike dhe përdorimit negativ dhe specifik të kombësisë shqiptare për të emërtuar problematikën e krijuar në tërësi. Edhe pse këto nuk kanë të njëjtën peshë dhe hapësirë në mediat angleze sa lajmet e prodhuara nga autoritetet e vendit, janë të domosdoshme dhe shpesh kanë munguar kur ka qenë rasti. Sidoqoftë, këto reagime nuk kanë mundur ta ndalojnë fluksin e lajmeve të këqija nga Shqipëria dhe si kundërpërgjigje po vijojnë të publikohen në media histori dhe raste të njëpasnjëshme, që sërish kanë në fokus shqiptarët si “gangsterë”, “trafikantë”, “kriminelë”, “mafiozë”, “grabitës”, “mashtrues”… lista e etiketimeve është e gjatë, ashtu si edhe lista e mediave angleze që i përdorin këto etiketime, që nga The Times, The Independent e deri te The Daily Mail apo The Mirror.
Titujt që përmbajnë etiketime të tilla, të cilat u atribuohen emigrantëve shqiptarë në Angli, janë tanimë të përditshëm dhe nuk mungojnë as në mediat më prestigjioze si BBC, The Guardian apo The Financial Times. Interesi gazetaresk për subjektin e Shqipërisë vijon të mbetet i lartë, edhe pse kemi të bëjmë me një vend të vogël dhe një komunitet edhe më të vogël shqiptarësh përkundrejt vendeve dhe etnive të tjera që përbëjnë popullatën e Mbretërisë së Bashkuar.
Arsyeja? Shqiptarët dhe Shqipëria me sa duket prodhojnë lajm. Sidomos lajme të këqija, nga ato që për gazetarët konsiderohen lajme të mira. Lajmet apo historitë pozitive, edhe pse nuk kanë munguar krejtësisht, nuk kanë shërbyer për të ndryshuar perspektivën dhe stereotipat. Ndaj, duket se ka vetëm një mënyrë për të dalë nga qerthulli i lajmeve të këqija dhe interesi gazetaresk. Por kjo është edhe rruga më e vështirë. Të bëhemi të mërzitshëm, pra, të bëhemi vend normal!
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Nuk pajtohet me Ancelottin, mbrojtësi i Real Madridit ka gjetur destinacionin e ri
Artistja 77 vjeçare Cher tregon pse lidhet me djem të rinj: Sepse ata të moshës time, thuajse të gjithë kanë vdekur
Çfarë pyetje u bëhen qytetarëve në diasporë për regjistrim?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City