Porsche 911 GT3 shkon në duel me BMW M4 CSL në testin Hockenheim

Janë vetëm 1000 njësi BMW M4 CSL në dispozicion në të gjithë botën, duke i bërë ato të pakta për shumicën e neve që jemi të çmendur pas veturave.

Për fat të mirë, njerëzit nga Sport Auto, një revistë gjermane e veturave, arritën që ta marrin në dorë një nga ato njësi për testim një ditor në pistën e Hockenheimring.

Dhe më e rëndësishmja, ishte një ditë e destinuar për të krahasuar versionin më të fortë të BMW M4 me një tjetër makinë sportive gjermane, Porsche 911 GT3, transmeton Telegrafi.

BMW M4 CSL dhe Porsche 911 GT3 janë të dyja makina të fuqishme gjermane, por cila prej tyre është më e shpejtë nën duart e të njëjtit shofer testues në të njëjtën pistë?

Vetura BMW M4 CSL fuqizohet nga motori 3.0-litërsh me gjashtë turbo të dyfishtë i automobilistit. Me presionin e rritjes nga 24,7 në 30,5 psi, M4 CSL është 40 kuaj fuqi më shumë se BMW M4 Competition për një fuqi totale prej 543 kuaj fuqi dhe 640 njuton metër fuqi rrotulluese, shkruan motor1.

Ndërsa këto shifra janë mjaft të fuqishme, një test i fundit i dyno zbuloi se “coupe-ja” me fuqi të lartë mund të bëjë edhe më shumë.

Ndërkohë, Porsche 911 GT3, i mundësuar nga një motor 4.0 litërsh me 6 cilindra, prodhon më pak fuqi se M4 CSL me 503 kuaj fuqi dhe 470 njuton metër fuqi rrotulluese.

Megjithatë, pavarësisht kursimeve të peshës të përdorura në M4 CSL, kjo veturë është dukshëm më e rëndë se 911 GT3, me BMW që peshon 1,625 kilogramë dhe Porsche që peshon 1,435 kilogramë kur është e pajisur me PDK.

Nën komandën e Gebhardt, BMW M4 CSL përfundoi qarkun prej 4.6 kilometrave në 1 minutë e 50.1 sekonda. Megjithatë, Porsche 911 GT3 ishte më i shpejtë, duke përfunduar xhiron në 1 minutë e 47.8 sekonda. /Telegrafi/