Andre Villas-Boas zbulon katër emrat e nënshkrimeve kryesore që ai i donte te Chelsea, por klubi nuk ia doli t’i afrojë

Ish-trajneri i Chelseat, Andre Villas-Boas ka folur për kohën e tij të pafat te klubi nga Londra, duke zbuluar edhe katër transferime që ai dështoi t’i afronte në “Stamford Bridge”.

Villas-Boas iu bashkua Bluve në vitin 2011, por  u shkarkua në mars të vitit 2012 pas një serie rezultatesh të dobëta.

“Chelsea ishte diçka që u ndodh shumë njerëzve që kanë kaluar andej. Ndonjëherë ke fat, fiton një trofe dhe të paktën lë gjurmë. Unë nuk isha aq me fat”, ka thënë ai.

Villas-Boas foli në detaje rreth bisedimeve të dështuara të transferimeve me emra si Luka Modric, Joao Moutinho dhe Radamel Falcao, ndërsa ata gjithashtu ishin afër një marrëveshjeje me Carlos Tevez.

“Sigurisht, ne mungoi marrëveshja e Modric [nga Tottenham] në fillim të sezonit. Nëse marrëveshja e Modric nuk do të bëhej, do të bëhej marrëveshja e Moutinhos. Ky ishte premtimi i Roman [Abramovich] në atë kohë”.

“Moutinho iu bashkua në Ligën Premier vite dhe vite pasi u përpoqa – duke ia propozuar Chelseat dhe Tottenhamit – dhe të gjithë e kanë parë se çfarë lojtari është ai”.

“Roman ndihej i mërzitur. Pra, nuk erdhi Modric, nuk erdhi Moutinho… Falcao është një tjetër emër që mund të vinte, por kishim [Didier] Drogba i cili nuk mund të vendoste nëse donte të largohej apo jo në janar. Marina [Granovskaia] donte Carlos Tevezin dhe befas nuk e donte më Tevezin”, ka treguar Villas Boas. /Telegrafi/