Eksperti i sigurisë kibernetike në Shqipëri, Fabian Zhilla, ka folur rreth sulmeve kibernetike nga hakerë iranianë kundër Shqipërisë.
Zhilla tha se hakerët iranianë kanë arritur që të futen në databazat e rëndësishme të Shqipërisë.
“Fatkeqësisht hakerët iranianë kanë arritur që të futen në databazat e rëndësishme, siç është databaza e “e-Albania” ku është gjithë aktiviteti që mund të kryejnë shtetasit shqiptarë në lidhje me administratën publike. Pra janë një sërë shërbimesh që ne kryejmë online dhe ata kanë arritur që ta hakojnë dhe mendohet që t’i kenë marrë të gjitha të dhënat. Ndërkohë, janë futur edhe në sistemet e tjera të cilat lidhen me policinë e shtetit, siç është sistemi TIMS, sistemi TIMS është regjistrimi që i bëhet çdo qytetari që hyn edhe del nga shteti shqiptar, por mendohet që të kenë goditur edhe sisteme të tjera” – ka thënë ai teksa ka përmendur se cak i sulmeve kanë qenë edhe disa prej organeve shtetërore.
“Shqetësimi është që janë goditur edhe ueb faqet e Ministrisë së Mbrojtjes, Ministrisë së Jashtme, janë hakuar email-et edhe të ish-drejtorit të Policisë i cili ishte edhe drejtues i anti-terrorit dhe jo pa qëllim hakerët iranianë nxorën një listë me email-e duke u nisur nga emaili i drejtorit të përgjithshëm të Policisë, i cili është targetuar sepse ka qenë një ndër drejtuesit e operacioneve të anti-terrorit ndaj grupeve të spiunazhit iranian” – ka potencuar Zhilla.
Eksperti gjithashtu ka folur edhe rreth disa shërbimeve në Shqipëri të cilat ende kanë probleme në funksionim si pasojë e hakimeve nga Irani.
“Ka disa shërbime (që mund të mos punojnë) sepse ndryshon me ditë, mund të ndodhin që të kenë edhe defekte, sepse ekspertët tanë tani po merren me serverët, me sistemin për të parë edhe ku janë problemet. Për shembull sistemi që lidhet me bërjen e pasaportave nuk funksionon për momentin. Ata nuk dhanë shpjegime, por shpjegimi i vetëm që dhanë është ‘Jemi duke u marrë me sigurinë e sistemit për mbrojtjen e të dhënave’ dhe e mbyllën tërësisht” – është shprehur Zhilla.
Ai ka shtuar se kjo gjendje nuk e përfshin vetëm Shqipërinë por duhet të shihet në kontekstin gjeopolitik që ndodhet e gjithë pjesa shqiptare.
“Po synohet që Shqipëria të destabilizohet, por nuk mendoj që është thjesht Irani dhe Shqipëria, kjo duhet parë në kontekstin gjeopolitik që ndodhet e gjithë pjesa shqiptare, pra përfshirë Kosovën, sepse edhe Kosova ka qenë objekt i sulmeve…” – ka vijuar ai.
Lidhur me sulmet kibernetike ndaj Shqipërisë kishte pasur reagime edhe nga Këshilli i Sigurisë Kombëtare amerikane i Shtëpisë së Bardhë (WHNSC).
Ky Këshill e ka dënuar sulmin kibernetik ndaj sistemit TIMS të Shqipërisë.
Sipas një reagimi në Twitter, WHNSC ka thënë se e mbështet Shqipërinë në përpjekjet e saj për rimëkëmbjen e sistemit./Kallxo
Promo
Reklamo këtuLufta Prigozhin - Putin
Më shumëNdalohen dy rusë në Jarinjë
DW: Sinjale alarmi nga Ballkani - po përsëritet historia?
“E pashë një person të maskuar me armë në dorë” – policia jep detaje nga tentim vrasja ndaj Marko Jablanvoviqit
Nëna dhe fëmijët u hodhën në lumin Buna, 9-vjeçarja përcillet sot për në banesën e fundit
Detaje të reja nga ngjarja tragjike në Shkodër
KFOR-i, EULEX-i dhe policia me ushtrim të përbashkët, Ultuas: Tregojmë gatishmërinë për të mbrojtur stabilitetin rajonal
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'