Një krim mizor kishte ndodhur brenda mureve të një shtëpie në Poklek të Drenasit 23 vjet më parë.
Në një dhomë të kësaj shtëpie forcat ushtarake e policore serbe kanë vrarë dhe djegur 53 civilë shqiptarë të paarmatosur, pleq, gra e fëmijë, madje edhe të sapolindur.
Aty ende ka gjurmë e dëshmi që faktojnë mizorinë e 17 prillit 1999.
Shtëpia gjendet në fshatin Poklek të Drenasit dhe pronari i saj është akoma gjallë për ta treguar këtë histori.
“Në këtë dhomë janë vrarë 51, babën edhe Ymerin e kanë qitë ma poshtë edhe i kanë ekzekutu. Kjo masakër është kryer në shtëpinë time. Në këtë masakër i kam pas 14 anëtarë të familjes, babën, nanën, katër motra bashkëshorten me katër fëmijë edhe bashkëshortja e vëllaut me katër fëmijë”, ka thënë ish-luftëtar i UÇK-së, Fadil Muçolli.
Fadil Muçolli, ish-luftëtar i UÇK-sëUshtria serbe nuk ishte mjaftuar vetëm me vrasjen e civilëve shqiptarë.
“Forcat serbe janë kthye prapë këtu edhe i kanë kallë kufomat, të nesërmen prapë janë ardh dhe i kanë djeg edhe një herë”, ka shtuar ai.
Pos marrjes së gjithë këtyre jetëve, serbët kishin djegur edhe këtë shtëpi së bashku me dy të tjera afër saj.
E, për Fadil Muçollin as për këto dëme nuk është bërë kurrfarë kompensimi.
“Për mu drejtësia është në komë. Dikush që është në komë e ka vetëm frymëmarrjen”, ka theksuar Muçolli.
Por, këto tri shtëpi nuk ishin të vetmet që u shkatërruan gjatë luftës në Kosovë.
Për identifikimin e këtyre dëmeve kishte ekzistuar një institut, të cilin e para shuarjes e drejtonte profesori Ismet Salihu.
Ismet Salihu, profesor universitarAi tregon për numrin e objekteve të dëmtuara nga serbët në Kosovë.
“Në mesin e këtyre krimeve, serbët kanë kryer edhe krimin e shkatërrimit të pasurisë materiale. Llogaritet që përafërsisht rreth 100 mijë shtëpi, objekte, fabrika janë shkatërruar gjatë luftës nga forcat paramilitare, ushtarake, policore serbe”, është shprehur Salihu.
Salihu shton se po punohet që ky institut të fillojë përsëri punën dhe sipas tij me krijimin e tij do të evidentohen më saktë të gjitha dëmet që janë shkaktuar gjatë luftës së fundit në Kosovë.
RTV Dukagjini ka pyetur Ministrinë e Drejtësisë për detaje rreth statistikave dhe dokumentacioneve për dëmet e kryera nga Serbia, por ky institucion nuk ka ofruar asnjërën prej tyre.
Ministria ka treguar vetëm kompetencat e Departamentit për Drejtësinë Tranzicionale.
Para dy javësh, Qeveria ka miratuar Projektligjin i cili i hapë rrugë rithemelimit të Institutit për krimet e kryera gjatë luftës. /Dukagjini/
Promo
Reklamo këtuLufta Prigozhin - Putin
Më shumëProfesori shqiptar nga Londra: Në Britani të Madhe i gjithë spektri politik është pro Kosovës
Një milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
Parlamenti britanik miratoi mocionin e Alicia Kearns për Kosovën
Në automjetin me targa të Serbisë, policia konfiskoi 390 kg duhan kontrabandë në Gjilan
Deputeti i LVV-së akuzon opozitën, Basha: Po i shtrembëron raportet ndërkombëtare për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe