Dokumentohet lindja e kuajve të detit në akuariumin

Një akuarium dokumentoi me sukses procesin e lindjes së kuajve të detit për herë të parë.

Gjashtëdhjetë të porsalindur të kuajve të detit me bark tenxhere (Hippocampus abdominalis) rreth 1 cm të gjatë mbërritën në botë javën e kaluar në një mjedis deti tropikal.

Të porsalindurit u transferuan në pishinën e karantinës së repartit të mbarështimit, ku kujdeset stafi i akuariumit. Ruhen në temperaturë 18 gradë Celsius me ajrim uji.

Ata i ushqejnë deri në tre herë në ditë me artemi (Artemia sp.), rotiferë (Rotifera) dhe kopepoda (Copepoda) sepse kërkojnë një sasi të madhe ushqimi për rritje dhe zhvillim.

Meqë ra fjala, kuajt e detit, grabitqarë me pamje të lezetshme, janë tregues të një mjedisi të shëndetshëm dhe po bëhen gjithnjë e më pak në Adriatik.

E veçanta e tyre është se rriten në barkun e babait, janë notues të këqij dhe secili sy i tyre shikon veç e veç. Kali i detit është një specie e mbrojtur sipas Konventës së Uashingtonit të vitit 1975. Në të gjithë botën ata kapen për akuariume dhe trofe, por edhe për qëllime fetare, madje edhe ushqimore. /Telegrafi/