Ekspertët paralajmërojnë: Niveli i deteve do të rritet për rreth 30 centimetra

Për shkak të shkrirjes së akullit në Grenlandë, në një të ardhme të afërt do të vie deri të rritja globale e nivelit të deteve për afro 30 centimetra.

Këto gjetje janë publikuar në revistën Journal Nature Climate Change, që tregojnë se 3.3 për qind e hapësirave të mbuluara me akull në Grenlandë do të shkrihen, që është një ekuivalent me 110 trilionë metër kub akull, transmeton Telegrafi.

Shkencëtarët kanë paralajmëruar se shkrirja është e pashmangshme edhe nëse bota menjëherë fillon me ndaljen e emetimeve të gazrave, që shkaktojnë efekte të “bahçes së “xhamit” që po ngrohin planetin.

Sipas hulumtimit, humbja totale e akullit nga pllaka e akullt e Grenlandës, do të shkaktojë rritjen e nivelit të deteve për të paktën 25 centimetra – pavarësisht skenarëve të mundshëm të ngrohjes globale.

Ekspertët nga Shërbimi Gjeologjik i Danimarkës dhe Grenlandës, vëzhguan ndryshimet në vëllimin e shtresës së akullit në dhe përreth Grenlandës.

“Rritja e nivelit të detit do të rritet për shkak të këtij procesi, dhe rritja do të ndodhë pavarësisht që në këtë shekull do të ndodhin ndryshime klimatike”, thotë gjeologu Jason Books nga Shërbimi Gjeologjik i Danimarkës dhe Grenlandës.

Megjithatë, ekspertët nuk kanë arritur të përcaktojnë kohën e saktë të rritjes globale të nivelit të deteve – por një gjë e tillë mund të ndodhte deri në fund të këtij shekulli. /Telegrafi/