Hiti i Janet Jackson i vitit 1989 po shkatërron hard disqet e vjetër

Një këngë hit nga viti 1989 i quajtur “Rhythm Nation”, e kënduar nga këngëtarja amerikane, Janet Jackson, shkaktoi dështimin e hard disqeve të vjetër në laptopë.

E famshme “zhurma kafe” është një ton që supozohet se mund të shkaktojë një humbje të kontrollit të zorrëve kur ekspozohet ndaj rezonancës së saj harmonike që dëmton zorrët.

Megjithatë, rezulton se hard disqet kanë “zhurmën kafe” të tyre dhe bëhet fjalë për disqet 5400 RPM të përdorur nga shumë laptopë të vjetër. Këta disqe janë “të prekshëm” ndaj megahitit të Janet Jackson të quajtur “Rhythm Nation”.

https://www.youtube.com/watch?v=lNU163CG_pM

Sipas inxhinierit të softuerit të Microsoft Raymond Chen, u zbulua se videoklipi i këngës së përmendur nuk mund të shkatërrojë vetëm hard diskun e laptopit në të cilin luhej, por edhe hard diskun e pajisjeve të tjera aty pranë.

Madje u krye një hetim i detajuar, pas të cilit producenti i paidentifikuar konfirmoi se kënga përmban një nga frekuencat e rezonancës natyrore të disqeve të ngurta, gjë që shkaktoi shkatërrimin e tyre.

Problemi u zgjidh duke vendosur laptopët në mënyrë që ata të mos mund të riprodhojnë tinguj me frekuencë të dëmshme. /Telegrafi/