Rrjedhjet e informatave shfaqin pamjet e Huawei Mate 50

Programi i lëshimit i Huawei është bërë i parregullt, por kompania ka konfirmuar se planifikon që përfundimisht ta lëshojë serinë e Mate 50.

Rrjedhjet më të fundit të informatave shfaqin pamjet e tre telefonave kryesorë dhe të një tableti të ri, gjithashtu përmbajnë edhe një numër të specifikave të përfolura. Por që këto informata janë vetëm spekulative dhe disa prej tyre mund edhe të mos jenë të sakta.

GSMArena raporton se Huawei Mate 50, Mate 50 Pro dhe Mate 50 RS fuqizohen nga çipi Snapdragon 8 Gen 1, por që ende mbesin të kufizuar me rrjetin 4G. Modeli Pro siç duket do të ketë një zgjidhje për ta arritur lidhjen me rrjetin 5G, njëjtë sikurse P50 Pro, dhe modeli RS do ta ketë zgjidhjen e njëjtë gjithashtu, transmeton Telegrafi.

Modelet Pro dhe RS do të kenë 12GB RAM memorie dhe hapësirë të brendshme prej 128/256 dhe 512GB, teksa modeli Mate 50 do të ketë 8GB RAM memorie ndërsa hapësira e brendshme është me dy opsione, 128 dhe 256GB.

Kamera kryesore me sensor prej 50MP thuhet se do të ketë aperturë të ndërrueshme prej f/1.4 dhe f/4. Kamera në modelet Mate 50 Pro dhe Mate 50 RS do të duhet të jetë një IMX800, ndërsa ajo tek Mate 50 do të duhet të jetë një IMX766. Pritet që të tre modelet të kenë lentën telefoto, teksa specifikat e saja janë ende të paqarta, sikurse edhe për lentën e fotografisë ultra të gjerë.

Kamera selfie do të ketë 13MP dhe një sensor 3D për hapje të telefonit me fytyrë, kjo vetëm tek modelet Pro dhe RS.

Të tre telefonat priten që të kenë rimbushje të shpejtë prej 66W, ndërsa kapacitet e baterive do të jenë 4,500mAh për Pro dhe RS, teksa Mate 50 i thjeshtë do ta ketë kapacitetin prej 4,400mAh.

Sipas thashethemeve, treshja Mate 50 do të kenë ekrane AMOLED të bëra nga BOE. Pro dhe RS thuhet se do të kenë ekran të “kthyer” ,e madhësi prej 6.78 inç 120Hz, ndërsa modeli më i thjeshtë do të ketë ekran të sheshtë LTPS, por që madhësia e saktë nuk dihet ende. /Telegrafi/