Galtier ka sjell disiplinë te PSG: Trajneri ka prezantuar tre rregulla të reja

Presidenti Nasser Al-Khelaifi ishte i qartë se gjërat duhej të ndryshonin në Paris Saint-Germain përpara se të emëronte Christophe Galtier dhe trajneri i ri nuk ka humbur kohë duke lënë gjurmë.

Dëshira e klubit është mbi çdo lojtar, dhe kjo është diçka që ata duan që të gjithë në dhomat e zhveshjes ta dinë, dhe Luis Campos i ka dhënë trajnerit të ri mbështetjen e tij të plotë për të bërë atë që nevojitet për ta çuar atë në vend.

Aktualisht në turne në Japoni, lojtarët e PSG-së po mësojnë se si do të jetë jeta nën drejtimin e trajnerit të tyre të ri, me Galtier që ka vendosur rregulla të reja në dhomën e zhveshjes.

Burime pranë PSG-së i kanë konfirmuar gazetës Marca se Galtier ka sjellë disiplinë në ekip duke prezantuar rregulla të reja.

Lexo po ashtu Plani i ri i transferimeve të PSG-së: Më pak yje, më shumë Ligue 1

Rregullat e reja të Galtier në PSG

Vonesat në stërvitje, lojtarët dërgohen në shtëpi

Lojtarët e PSG-së pritet të mbërrijnë për stërvitje çdo mëngjes nga ora 08:30 deri në 08:45. Nëse lojtarët vonohen dhe nuk kanë arsye, atyre do t’u ndalohet hyrja në stërvitje dhe do të dërgohen në shtëpi.

Nuk ka telefona gjatë vakteve të ushqimit

Në mëngjes dhe drekë, lojtarët nuk do të lejohen të përdorin celularët e tyre. Galtier dëshiron të krijojë më shumë unitet në grup, dhe ai e sheh këtë si një mënyrë për ta ofruar atë.

Un beau moment d'échange entre nos Parisiens et les enfants de la #PSGAcademy Japan ! 🤗❤️💙

🇯🇵 #PSGJapanTour2022 pic.twitter.com/KdL37hJfBq

— Paris Saint-Germain (@PSG_inside) July 22, 2022

Ushqimi të hahet në grup

Lojtarët e PSG do të hanë vaktet e tyre të ushqimit së bashku në Camp des Loges, ku janë vendosur. Më parë, grupimet janë parë gjatë kohës së ushqimit.

Lexo po ashtu Galtier dëshiron të mbajë Neymarin, por pranon se "ka shumë gjëra që nuk mund t'i kontrolloj".

Rregullat e reja, reagim pozitiv

Deri më tani, lojtarët i janë përgjigjur mirë ardhjes së Galtier dhe futjes së rregullave të tij të reja.

Neymar ka reaguar mirë dhe duket i përkushtuar ndaj kauzës te PSG, pavarësisht zërave se klubi do ta linte të largohej këtë verë.

Galtier, nga ana e tij, ka insistuar gjithmonë se braziliani është pjesë e planeve të tij. /Telegrafi/