E filluan me ‘do ta bëjmë vetëm një’, por nuk ndaluan me kaq: Nënë e bijë që shndërrojnë autobusët e vjetër të shkollave ‘në shtëpi të bukura të SHBA-së’

Megan dhe Lisa Donahue janë nënë e bijë që drejtojnë biznesin ‘Live Simply Buses’, një biznes interesant ku ato shndërrojnë autobusët e vjetër të shkollave në shtëpi të bukura dhe të vogla.

Për ato, filloi si mënyrë e thjeshtë për të kaluar pak më shumë kohë së bashku – por shpejt u bë shumë më tepër se kaq, raporton EuroNews, përcjell Telegrafi.

“Ne menduam, ‘do ta bëjmë vetëm një dhe kaq’”, thotë mamaja, Lisa.

“Pastaj e pamë që u shit shumë shpejt dhe thamë, ‘epo, ndoshta po e provojmë edhe një tjetër’. Dhe tani kemi rregulluar 12 sosh’”.

Pse ky lloj biznesi?

Familja Donahue ishte një familje normale me katër anëtarë që jetonin në Karolinën e Veriut.

Por në vitin 2015, ata pësuan një tragjedi të tmerrshme. Fëmija i tyre më i vogël, Michael, u vra në një aksident trafiku, vetëm 15 vjeç.

“Michael e donte natyrën, ai ishte jashtë në shumicën e rasteve”, thotë nëna e tij Lisa për EuroNews Travel.

“Nëse do të mund të jetonte në një autobus, do të ishte situata e tij e përkryer”, shton motra e tij, Megan.

Të gjithë e kalojnë pikëllimin në mënyra të ndryshme. Megani donte të gjente një projekt që t’i jepte vetes një fokus, por edhe për të nderuar kujtimin e Michael.

Duke kujtuar moton e tij të preferuar: “Janë gjërat e thjeshta në jetë që e bëjnë me vlerë për ta jetuar”, Meganit i lindi ideja për ta krijuar një “skoolie”. Një autobus i vjetër shkollor amerikan i shndërruar në një shtëpi të vogël me rrota.

“Një autobus nga ne”

Autobusi i parë i tyre u quajt Gus. Që atëherë, çdo autobus që ato kanë transformuar iu është dhënë një emër me mbaresën “us”.

“It’s a bus by us”, (Është një autobus nga ne) shpjegon Lisa.

Emra të tjerë përveç Gus, përfshinin, Agnus, Brutus, Julius, Marcus, Phillus, Willus, Spartacus, Tobius… lista vazhdon.

Gus ishte një autobus i thjeshtë i bardhë me vetëm një krevat, divan dhe tavolinë brenda. Lisa thotë se nuk ishte diçka i veçantë, por për ato në atë kohë, ishte për të parë njëfarë progresi.

Ato e kanë përshkruar atë si terapi në oborrin e shtëpisë së tyre.

Tani me çdo autobus të ri, ka një temë unike dhe një planifikim të gjerë për të optimizuar hapësirën dhe funksionalitetin.

“Dallimi mes dekorimit të një autobusi dhe shtëpie do të ishte se gjithçka duhet të ketë më shumë se një qëllim”, shpjegon Megan.

Autobusi mesatar ka 7 metër katrorë hapësirë banimi, derisa shtëpia mesatare ka disa qindra. Sikurse Megan ashtu edhe lisa pajtohen shtëpia është shumë më e lehtë të dekorohet.

Procesi i dizajnit të brendshëm për dyshen fillon me zgjedhjen e një jastëku.

Ato e pranojnë se ndonjëherë, ndryshojnë jastëkun specifik në gjysmë të procesit, por ajo është zakonisht se si fillojnë të krijojnë paletën e tyre të ngjyrave dhe temën.

Pasi të jenë gati, të gjithë autobusët vijnë plotësisht të pajisur me shtrat, peshqirë, enë – gati për të nisur rrugën për një aventurë.

Dhe ndërsa numri i shtëpive të vogla është rritur, po ashtu është rritur edhe komuniteti.

Kush jeton në shtëpitë e vogla pasi të kenë mbaruar?

Kur u pyetën pse vazhduan të transformojnë autobus pas autobusi, Megan shpjegon se e bëjnë për shkak të njerëzve.

Ato kanë ndërtuar një ekip sikurse familje, ekip që ndihmon në shndërrimin e autobusëve të tyre.

“Çdo ditë zgjohem dhe them: ‘O Zot, kemi një ditë kaq të mrekullueshme përpara nesh. Kemi shumë për të pritur. Kemi shumë për të punuar”, thotë Megan për Euronews Travel.

Pra, kush të jeton në shtëpitë e vogla? Për çdo autobus, Donahues sigurohen që të gjejnë familjen e përsosur për ta marrë atë në një aventurë.

“Arsyeja jonë kryesore pse po e bëjmë këtë, gjithashtu, është që ne duam që familjet të dinë se sa e rëndësishme është që ata të kalojnë kohë së bashku – sepse nuk e dini nëse keni të nesërme”, thotë Lisa Donahue.

“Sigurisht, është një biznes, por në fund të ditës, ne mendojmë se autobusët tanë po përfaqësojnë Michael-in”, shpjegon Lisa.

Ato vazhdimisht marrin njoftim nga klientët e tyre në rrugë në aventura.

“Arsyeja jonë kryesore pse po e bëjmë këtë, gjithashtu, është që ne duam që familjet të dinë se sa e rëndësishme është që ata të kalojnë kohë së bashku – sepse ju nuk e dini nëse vjen e nesërmja”, shton Lisa.

Megjithëse ‘Live Simply Buses’ filloi si një projekt familjar për të përballuar pikëllimin, nuk duket se do të ndalojë së shpejti.

“Këta autobusë janë dhuratë. Nuk mund ta imagjinoj se ku do të isha pa to personalisht”, thotë Megan.

“Jam thjesht shumë e lumtur, prandaj nuk dua të ndaloj me këtë biznes”. /Telegrafi/