Situata në Muzeun e Alfabetit në Manastir vazhdon të vështirësohet edhe më shumë. Gjatë fundjavës, persona të papërgjegjshëm kanë vjedhur aparatin e ujit në oborrin e këtij objekti. Drejtori i Muzeut, Zait Aliu për “Koha” ka deklaruar se për shkak bllokimit të xhirollogarive nga borxhet e papaguara dhe keqmenaxhimit me IPA Fondet, janë shkaqet e bllokimit të xhirollogarisë së këtij institucioni. “Gjatë fundjavës kemi pasur dëmtim dhe vjedhje të pronës së Muzeut. Persona ende të panjohur për ne kanë vjedhur aparatin e ujit në Muzeun e Alfabetit. Kemi lajmëruar policinë dhe ata janë duke u marrë me rastin. Por për shkak të bllokimit të xhirollogarisë, nuk kemi pasur mundësi të paguajmë rrymën dhe as kamerat e sigurisë nuk kanë punuar. Kam njoftuar edhe Ministrinë e Kulturës dhe i kam shpjeguar për situatën në të cilën gjendemi, por nga atje nuk kanë reaguar. Nga fundi i muajit maj nuk kemi as sigurim të objektit dhe çfarë të them situata vetëm se po vështirësohet dita-ditës”, shprehet i revoltuar Aliu.
Ai ka apeluar deri te institucionet shtetërore të marrin masa për ta përmirësuar gjendjen në këtë institucion dhe të ndihmojnë në kalimin e krizës së krijuar. Problemi u krijua për shumën 100 mijë euro, që kontraktuesit duhej t’i likuidohej për të përfunduar punimet. Llogaritë e muzeut janë ngrirë në muajin shkurt, kur kompania që realizoi rikonstruktimin ia kaloi borxhin e grumbulluar prej dy vjetësh përmbaruesve.
Spiralja e problemeve ku gjendet edhe sot Muzeu nisën pasi projekti i financuar nga granti i IPA (234 mijë euro), parashikonte që fillimisht IPA të lëshojë 35 për qind të shumës, duhej pjesën tjetër pasi të kishin përfunduar punimet dhe verifikimit të faturave për punimet e kryera sipas projektit. Disa muaj më parë Qeveria e ngarkoi Ministrinë e Vetëqeverisjes Lokale (në bashkëpunim me Ministrinë e Kulturës, Ministrinë e Financave dhe Sekretariatin Ligjvënës) të hartojë një propozim-vendim për gjetjen e mënyrës për financimin e detyrimeve të mbetura për realizimin e aktiviteteve projektuese në Muzeun e Alfabetit të Gjuhës Shqipe, që dalin nga programi IPA fonde për bashkëpunim ndërkufitar. Por sipas të gjitha gjasave propozimi nuk është formuluar ende.
Ndryshe, rikonstruktimi i Muzeut u realizua në kuadër të projektit “Muzetë që lidhin kulturat dhe popujt”, Programit për bashkëpunimit ndërkufitar “Greqi-Maqedoni 2014-2020” në suaza të Marrëveshjes për Partneritet, me vlerë prej 780.682 euro në total. (koha.mk)
Lufta Prigozhin - Putin
Më shumëEkipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Gashi: Mandatori i ardhshëm për kryeministër duhet së pari të flasë me ne
Pasuria e kryetarit të Suharekës e deklaruar në Agjencinë për Parandalimin e Korrupsionit
Hyri ilegalisht nga Serbia në Kosovë, policia ndalon të dyshuarin
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur