Një shtëpi familjare prej guri që lidh të shkuarën me të tashmen

Kjo shtëpi e gurtë duket si një ndërtesë për të gjitha kohërat

Ajo është lënë të duket monumentale, sikur ka ardhur nga e kaluara, pa karakteristikat e kohëve moderne.

Mbindërtimi me tulla i katit më të lartë është realizuar me mjeshtëri për të theksuar monumentalen e objektit dhe njëkohësisht për të mos fshehur elementin e ri.

Hapësira është e ndarë në dy nivele, transmeton Telegrafi.

Kati përdhes është në fakt një zonë e madhe banimi, një vend për jetën familjare dhe shoqërore. Kuzhina, trapezaria dhe dhoma e ndenjes janë të organizuara në një drejtim unik, nga veriu në jug.

Kati është i rezervuar për dhoma gjumi dhe banja.

Shkallët që lidhin dy nivelet janë një lloj elementi dekorativ falë dizajnit fluid të lakuar.

Ashtu si një pjesë skulpturore e derdhur në beton, ajo ndan dhomën e ngrënies nga pjesët e tjera të hapësirës së jetesës.

Ndryshe nga hapësira e poshtme e hapur, dhomat e gjumit në katin e sipërm, me të njëjtat dimensione dhe të pozicionuara në mënyrë simetrike, janë njësi krejtësisht të pavarura.

Në përgjithësi, në brendësi mbizotërojnë tonet e bardha dhe ato natyrale të drurit. Jo vetëm si një mbulesë bazë dyshemeje. Drurin e vëmë re si element dekorativ të mureve, por edhe në kornizat e dyerve.

Hapësira “rrjedh” pa pengesa drejt një sipërfaqeje të madhe xhami që “lë” një ambient frymëzues në brendësi të ndërtesës. Është një gjest shumë i zakonshëm në arkitekturën moderne rezidenciale në përgjigje të nevojës së njeriut të kësaj kohe për të intensifikuar kontaktet e tij me natyrën apo peizazhin e çdo lloji, duke besuar në fuqinë e tyre rehabilituese.

Mobiljet janë minimaliste në tone të reduktuara pa vëmendje. Ndriçimi gjithashtu – i reduktuar dhe modern. Me zgjidhjet unike të arkitektëve, ato krijojnë edhe një dialog origjinal të stilit rezidencial industrial (beton) dhe komod në ambientet e brendshme.

Me tërësinë e saj të hapur, bollëkun e hapësirës dhe dritës, shtëpia, e cila duket si një ndërtesë guri e së shkuarës, të lë përshtypjen e një oaze lirie në brendësi.

/Telegrafi/