XP GAME FEST hap regjistrimin për fazën kualifikuese të turneut CS:GO CHAMPS

Xportal Esports po organizon edicionin e dytë të XP GAME FEST, në katër lojëra të ndryshme.

Tashmë është hapur regjistrimi për fazën kualifikuese për turneun e CS:GO, ku dy ekipet më të mira nga ky turne do të kenë mundësi të bashkohen me gjashtë ekipet e ftuara nga rajoni dhe vendi, në turneun kryesor i cili do të mbahet në Amfiteatrin e Sheshit “Zahir Pajaziti” në Prishtinë

Regjistrimi për turneun kualifikues online është i hapur që nga ky moment, dhe do të mbyllet më 20 maj në ora 23:55, ndërsa turneu kualifikues do të fillojë me 21 maj në ora 18:00, dhe do të përfundoj me 22 maj ku edhe do të mësohen dy ekipet fituese.

Tetë ekipe do të garojnë në turneun kryesor CSGO Champs me datën 27 dhe 28 maj në Amfiteatrin e Sheshit “Zahir Pajaziti” në Prishtinë, dhe do të ndahen 8.000 euro çmime për katër vendet e para.

Regjistrimin për turneun kualifikues të CS:GO CHAMPS mund ta bëni këtu: https://bit.ly/CSGOChamps2022

Lexo po ashtu XP GAME FEST do të ndajë 13.000 euro në edicionin e dytë të festivalit të video-lojërave

Ndeshjet e fazës kualifikuese do të shfaqen në kanalin zyrtar të Xportal Esports në platformën Twitch: twitch.tv/xportalesports, ndërsa turneu kryesor do të shfaqet edhe në kanalin e sportit të Artmotion.

/Telegrafi/