Rusia thotë se ka testuar një raketë të re balistike ndërkontinentale

Ministria ruse e Mbrojtjes pretendon se ka testuar raketën e re balistike ndërkontinentale Sarmat.

Presidenti Vladimir Putin thotë se lansimi i suksesshëm i raketës, njëkohësisht do të thotë se kundërshtarët e Rusisë duhet të rimendohen para se ta kërcënojnë vendin e tij.

Atij iu tha se raketa balistike ndërkontinentale goditi objektivat në gadishullin Kamchatka në lindjen e largët, raporton skynews.

Putin tha se “Kompleksi i ri ka karakteristikat më të larta taktike dhe teknike dhe është i aftë të kapërcejë të gjitha mjetet moderne të mbrojtjes kundër raketave. Ai nuk ka analoge në botë dhe nuk do të ketë për një kohë të gjatë”.

Шойгу показал Путину первый пуск «Сармата».

Президент остался доволен и предупредил: этот ракетный комплекс обеспечит безопасность России, заставит задуматься тех оголтелых, кто пытается ей угрожать pic.twitter.com/tqA9RmWBop

— Кремлевский пул РИА (@Kremlinpool_RIA) April 20, 2022

Sarmat është një raketë e re balistike ndërkontinentale, të cilën Rusia pritet ta vendosë me dhjetë ose më shumë koka luftarake në secilën raketë, sipas Shërbimit Kërkimor të Kongresit Amerikan.

Ministria ruse e mbrojtjes u citua nga agjencia e lajmeve Interfax të thoshte se “Objektivat e nisjes u arritën plotësisht. Specifikimet e planifikuara të performancës u konfirmuan në të gjitha fazat e fluturimit”.

Ai shtoi se një regjiment i Forcave Raketore Strategjike të Rusisë i vendosur në territorin e Krasnoyarsk po përgatitet për t’u armatosur me raketën e re. /Telegrafi/