Gjykimi për dëmshpërblimin e Kamçevit do të vazhdojë më 11 maj

Gjykimi për lëndën për kërkesën dëmshpërblyese të Orce Kamçevit nga Bojan Jovanovski dhe Katica Janeva për rastin ”Reket”, vazhdon më 11 maj.

Në seancën e sotme, paditësi Kamçev e ka tërhequr padinë kundër Zoran Milevski-Kiçeec, i cili, krahas Jovanovskit dhe Janevës ishte një nga të pandehurit, nga të cilët Kamçev paraprakisht kërkonte që t’i paguhet dëmshpërblimi.

Në seancën e sotme, deklaratën e parë e dha i pandehuri Orce Kamçev, i cili kronologjikisht i elaboroi ngjarjet përmes të cilave ai mendon se i është shkaktuar dëm.

“Fondet që më janë detyruar dhe të cilat i kërkoj si dëmshpërblim konform edhe ekspertizës që është dorëzuar, janë mjete të mia, që janë dorëzuar përmes personave të tjerë, të theksuar në procedurën, e për të cilat edhe në ekspertizë është konfirmuar se janë bartur nga llogaria ime transaksione dhe për të cilat fonde i është paguar tatim Republikës së Maqedonisë së Veriut”, tha Kamçev.

I padituri Bojan Jovanovski në deklaratën e tij theksoi se e hedh poshtë plotësisht kërkesën e dëmshpërblimit.

Gjykimi për këtë lëndë vazhdon më 11 maj me marrjen në pyetje të dëshmitarëve të propozuar nga paditësi, Ana Kamçeva, Ratka Kunovska Kamçeva, kristina Kamçeva dhe Mirjana Boshkova.