Sela: Gjuha shqipe e barabartë me maqedonishten, nuk ka plus ose minus me përqindje

Kryetari i Aleancës për Shqiptarët, Ziadin Sela për “Klan Debat” tha se gjuha shqipe nuk mund të cilësohet me përqindje me plus ose minus ajo është e barabartë me maqedonishten

”Qytetarët duhet ta kenë të barabartë regjistrimin, në matematikë për ti ndryshuar përqindjet i vonohet një X dhe bëhet ashtu siç duan ata ta bëjnë.

Gjuha shqipe nuk mund të cilësohet me përqindje me plus ose minus ajo është e barabartë me maqedonishten, dhe ligji u soll se ne kishim kusht kur ishim në qeveri sepse mos të kishim qenë ne do ngelej ligji i Ali Ahmetit”, tha Sela.

Ai tha se fatkeqësisht ne e parapamë kur u shty regjistrimi, përgjegjësit që e sollën në këtë situatë regjistrimin duhet të përgjigjen me emër dhe mbiemër, sepse këta janë mjeshtër ”makiavelist”.

”Unë kam informata se të ”inputuarit” nuk ekzistojnë fare kjo ishte marrëveshje mes LSDM-së dhe BDI-së, sepse ideja ka qenë shqiptarët të dalin ndër 30 përqind , të ketë rritje e numrit të përgjithshëm ndërsa te numri rezident të ketë ulje. Këto pazare politike për ne janë të papranueshme ashtu si duhet të jenë për çdo shqiptar”.