Chelsea turpërohet nga Brentfordi në “Stamford Bridge” – hapet edhe më shumë lufta për top katër

Chelsea është mposhtur 4-1 para tifozëve të tyre nga Brentfordi në kuadër të javës së 31-të në Ligën Premier.

Pjesa e parë nuk tregoi shumë nga të dy skuadrat, duke qenë një lojë më shumë e mbyllur.

Por, në 45 minutat e dytë – Brentfordi ia doli ta shokonte Chelsean jo një, por tre herë.

Back to it, come on Chelsea!

🔵 0-0 🐝 [46’] #CheBre pic.twitter.com/7fC1toYu2j

— Chelsea FC (@ChelseaFC) April 2, 2022

Fillimisht, ishte minuta e 48-të e takimit, kur Antonio Rudiger lëshoi një raketë të vërtetë me mbi 30 metra, për të mposhtur portierin mysafir.

Por, Brentfordi ia doli t’i barazonte shifrat pas vetëm një minute, kur Bryan Mbeumo asistoi për Vitaly Janelt për 1-1.

Mbeumo ishte sërish në rolin e asistuesit, pasi në minutën 54-të e gjeti Christian Eriksenin që realizoi për 2-1.

😍 Things you 𝙡𝙤𝙫𝙚 to see

🔵 1-3 🐝#CHEBRE #BrentfordFC pic.twitter.com/wKlFe9aR23

— Brentford FC (@BrentfordFC) April 2, 2022

Për më shumë, Brentfordi ia doli të shënonte edhe të tretin në Stamford Bridge, pasi Janlet (61′), shënoi edhe golin e dytë personal për 3-1.

Blutë tentuan që deri në fund të merrnin së paku një pikë, mirëpo mysafirët ia dolën të shënonin edhe të katërtin me anë të Yoane Wissa që shënoi në minutën e 88-të.

Pas javës së 31-të, Chelsea gjendet në vendin e tretë me 59 pikë, ndërsa në xhiron e ardhshme do të takohet me Southamptonin. /Telegrafi/