Naxhie Shehu nga Krusha e Vogël tash e 23-vjet nuk di asgjë për djalin dhe burrin e saj. Ajo ka treguar ditën kur serbët ua morën djalin nga dora dhe ndanë këtë familje.
Gruaja nga Krusha tash e 23-vjet jeton me shpresën që një ditë do ta dijë fatin e më të dashurve të saj.
Ndonëse mosha e ka rënduar, kujtimet e asaj dite ende mbesin të freskëta në mendjen e saj.
“Djalin dhe burrin i kam të zhdukur. Djali pa i mbush 16-vjet, burri 55-vjet. Forcat serbe të fshatit paramilitarë, na kanë marrë dhe ne jemi mbledh atje lart, me një shtëpi. Na përzënë prej aty dhe poshtë, kemi ardh dhe jemi mbledh. Aty tani, mua dhe djalin tim dhe të një tjetrës, prej dorës na kanë ndalu dhe serbisht iu tha: ‘Kthehu mbrapa”.
Neve na tha: ‘Shkoni ju, ose mbyteni në lum ose shkoni në Shqipëri’. Dhe na kanë dërguar poshtë. Të gjitha gratë e fshatit janë shku, unë kam qëndruar e fundit, nuk kam deshtë me shkuar, se kam dashtë me shiku çka po i bëjnë djalit… Djalit i thashë: ‘Hajde poshtë’. Veshe i thash pallton që e kam pas, nuk e kom vesh hiç. E kam lanë për djalin. Djali më tha: ‘Jo, krejt këta janë pa mantilla, veç unë jo’. Dhe e kom lan aty. Kur jemi ardh poshtë, unë s’kam dashtë me shku, kam deshtë me shiku çka po behet, dhe vjehrrën time e kam pas me veti dhe dy gra tjera. Ne kemi thënë s’po shkojmë. Tjerave ju kam thënë, shkoni ju lartë, këqyrni çfarë po ndodh, atëherë kthehuni. Dhe këtu shkuan deri diku dhe u kthyen. Unë e kam dëgjuar krismën. Kanë kris dhe prej aty s’kom mbajt shpresë që me qenë këta”, ka thënë ajo, derisa ka një kërkesë edhe për institucionet e Kosovës.
Thotë se familja Shehu janë 40 (të masakruar).
“Ju lutem kryeministrit, kryetarit e të gjithëve që t’iu bëjë presion ndërkombëtareve, sepse neve serbët e Krushës na kanë marrë. Serbët e Krushës na kanë bërë këtë. Ne s’kemi dashtë me ikë prej fshatit. Kemi deshtë me qëndru në fshat… Kur jemi zgjuar në mëngjes kamioni i mbuluar me të zeza, ka hy në oborr timin, ne kemi ikë, kemi shku të shkolla. Kur kemi dalë të shkolla kanë gjuajt me na vrarë neve, mirëpo neve s’na gjeti asgjë dhe kemi ikë… Çdo shtëpi të serbit kam hy unë kur jam ardh poshtë. Të gjithë i kam lut me shku se fëmijën na kanë ndal, le të na lëshojnë fëmijët. Mirëpo kurrfarë përgjigje s’na kanë dhënë… I lutem (institucioneve përgjegjëse) që me na gjet sa ma shpejtë, se unë që 23-vjet nuk kam shenjë ku me shku, me ngul një lule dhe me qajtë”, u shpreh ajo.
Kujtojmë që 23 vite me parë, konkretisht më 25, 26 e 27 mars të vitit 1999, në fshatin Krushë të Rahovecit janë masakruar 243 persona, ndërsa 893 shtëpi private dhe shoqërore u dogjën. /kp/Telegrafi/
Lufta Prigozhin - Putin
Më shumëNga Rubrika
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Në Tupallë të Medvegjës mbahet manifestimi “Takimet e Vendlindjes”
Prokuroria jep detaje për plagosjen e katër personave në Lupç të Podujevës
Njëri nga katër të plagosurit në Lupç të Podujevës është në rrezik për jetë
Të shtëna me armë në Lupç të Podujevës, katër të plagosur
Vdes në vendin e punës punëtorja e një furre të bukës në Mitrovicën e Veriut
Ndalohen për 48 orë pesë të dyshuar për rastin e plagosjes në Lupç
Mjeti lundrues pësoi defekt në det, policia shpëton 11 turistë në Vlorë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës