Mes sulmeve ruse, shfaqja e Academy of Country Music Awards 2022 iu dedikua Ukrainës

Dolly Parton ka qenë prezantuesja e edicionit të 57-të të Academy of Country Music Awards 2022 (ACM).

Ylli i “Heartstrings”, 76-vjeçare, ka mbajtur një monolog hapës në të cilin ia kushtoi ‘të gjithë shfaqjen’ Ukrainës, duke u kërkuar të gjithëve që të dërgojnë lutjet e tyre mes pushtimit rus.

“Më pëlqen të qesh, më pëlqen të bëj shaka dhe do të kalojmë mirë sonte, por dua që para se të fillojmë me gjithë argëtimin tonë, të marrim një moment serioz”, tha Parton. “Tani unë nuk dua të jem politikane. Më mirë të kaloj një gur në veshka se sa ta bëj atë, por dua që të dërgojmë dashurinë dhe shpresën tonë për vëllezërit e motrat në Ukrainë”.

“Pra, pse të mos ua kushtojmë të gjithë këtë shfaqje atyre dhe të lutemi për paqe rreth kësaj bote të çmendur”, shtoi ajo.

Shikuesit po ashtu lavdëruan Parton në Twitter për dedikimin e shfaqjes popullit ukrainas.

“Një akt i tillë për ta përkrahur Ukrainën”, shkroi një person. Një tjetër person i tha ‘faleminderit’ ikonës së muzikës ‘country’.

Shfaqja e çmimeve ndërkohë u transmetua nga stadiumi Allegiant në Las Vegas, Nevada.

‘Artistja femër e vitit’ u shparr Carly Pearce, kurse ‘artisti mashkull i vitit’ ishte Chris Stapleton.

Bashkë me Dolly në prezantim ishin edhe Jimmie Allen dhe Gabby Barrett. /Telegrafi/