Kovaçevski: Nuk ka krizë me derivatet, tregtarët nuk duhet të kufizojnë sasinë e shitjeve

Kryeministri Dimitar Kovaçevski për Sllobodna TV u shpreh se në Maqedoninë e Veriut nuk ka krizë me derivatet, benzinën, naftën dhe me derivatet e tjera sepse kemi furnizim të pandërprerë me derivatet e naftës që kryesisht zhvillohet përmes Greqisë.

“Lidhur me atë që ndodhi dje, dua tu bëj thirrje qytetarëve që të mos i nënshtrohen asnjë spekulimi, të mos bëjnë panik duke pasur parsysh se në vend ka sasi të mjaftueshme të naftës dhe derivateve të naftës. Ju bëj thirrje tregtarëve të derivateve të naftës që të mos kufizojnë sasitë që shesin në pompat e benzinës. Një pjesë e tyre e kanë bërë dje për të kursyer sasitë e tyre që kanë blerë për arsye spekulative. Kjo është një përfitim klasik ushtarak”, tha Kryeministri Kovaçevski.

Kovaçevski potencoi se nuk ka nevojë për panik sepse është gjëja më e keqe që mund të ndodhë në kushte të luftës e cila po ndodh në Ukrainë dhe përsëriti se kemi mjaft derivate të naftës dhe nuk ka ndërprerje në furnizimin me naftë dhe derivatet të naftës.

Kryeministri theksoi se Inspektoriati i Tregut dhe Drejtoria e për të Ardhura Publike janë në terren për të parë gjendjen faktike dhe për të mbrojtur interesat e qytetarëve./Telegrafi/