Tri lule dhome që e duan diellin: Nëse i kultivoni kështu, do të jenë të zbukuruara me lule të dendura për muaj të tërë
Fundi i dimrit është koha e duhur për të freskuar lulet dhe për t’i përgatitur ato për sezonin e ri
Nëse kohët e fundit keni filluar të kultivoni lule dhome dhe nuk e dini se cilat specie do të duan qëndrimin në rrezet e diellit, në ambient të hapur, ky udhëzues mund të jetë i dobishëm, transmeton Telegrafi.
1. Anthuriumi
Kjo bimë tropikale dekorative kërkon shumë lagështi, dritë dhe nxehtësi. Derisa temperatura e ajrit të jetë mbi 20 gradë, vazon me anthurium mos e nxirrni jashtë shtëpisë.
Kur temperatura rritet, saksinë me anthurium mund ta mbani në pjesën me diell të tarracës ose oborrit.
Gjatë pranverës, ujisni bimën me ujë të ndenjur ose të distiluar çdo shtatë ditë, dhe kur vjen vera, ujisni çdo të tretën ditë. Në dimër mjafton t’i shtoni pak ujë një herë në 10 deri në 12 ditë.
2. Amaryllisi
Nëse mbillni amaryllis gjatë shkurtit, lulet e para mund t’i prisni në fund të marsit ose në fillim të prillit.
Vendosni zhavorr në fund të saksisë, pastaj mbusheni me dhé të drenazhuar mirë (mundësisht përzierje humusi dhe perliti) dhe mbillni në mënyrë që gjysma e qepujkës të mbulohet me dhé. Ujiteni menjëherë, mbajeni në një vend të errët për një javë dhe më pas transferojeni në një vend të ngrohtë.
Në javën e parë pas mbjelljes së amaryllis privoni ujin; ujiteni atë vetëm kur filizat shfaqen 10 centimetra të gjatë. Pastaj ju duhet ta ujisni bimën çdo ditë tjetër.
Nga zhardhoku i amaryllis, së pari do të shfaqet një kërcell me një lule, pastaj gjethet e zgjatura. Sapo të shfaqen filizat e luleve, shtoni pleh të lëngshëm lulesh në ujin e ujitjes.
Mos harroni se toka në të cilën ndodhet zhardhoku i amaryllis nuk duhet kurrë të jetë i ngopur me ujë, sepse bima do të kalbet.
Në mënyrë që amaryllis të lulëzojë disa herë gjatë vitit, sigurohuni që ta bartni atë nga vazo në tokën e kopshtit, dhe anasjelltas. Domethënë, bima sapo ndryshon habitatin e saj, ajo sillet si një bimë e re, kështu që lind përsëri një lule. Është interesante që sa më shpesh të lulëzojë amaryllis, aq më rezistente bëhet zhardhoku i saj dhe aq më mirë zhvillohet.
3. Gloxinia
Mbillni zhardhokun gloxinia cekët dhe ujiteni mirë, më pas mbajeni saksinë pranë një burimi të dritës së diellit.
Gjethet shfaqen fillimisht në gloxinia, dhe vetëm atëherë sythat zhvillohen në lule të mrekullueshme. Nëse shfaqja e sythave mungon, sigurohuni që të ndukni një gjethe – kjo do ta “detyrojë” bimën të vazhdojë të zhvillojë dhe të dhurojë sytha.
Bima duhet të bartet në një vazo më të madhe me tokë të re gjatë sezonit të rritjes. Ujiteni dy herë në javë me ujë të ndenjur dhe kujdesuni që uji të mos pikojë mbi gjethet, sepse do të shfaqen njolla të verdha. /Telegrafi/
Promo
Reklamo këtuLufta Prigozhin - Putin
Më shumëSi të bëni vetë foto fantastike kur jeni në një udhëtim: Dëgjoni këshillat e fotografëve profesionistë
Pesë nuancat që nuk shkojnë me grinë në shtëpi, sipas arkitektëve
Kjo gjë në kuzhinë thuhet se ka më shumë baktere se tualeti
Teknika psikologjike e Frojdit – Kështu do ta kuptoni nëse jeni me një mashkull të dobët!
Si të bëhemi simpatik?
Si ta zgjidhni emrin e maces suaj që ajo t’i përgjigjet thirrjes?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak