Në Kosovë çdo vit po shumëfishohet numri i pronave të regjistruara në emër të dy bashkëshortëve, kurse deri tani në vendin tonë 126 mijë prona janë regjistruar në emër të grave.
Nga Agjencia Kadastrale e Kosovës, kanë bërë të ditur për Telegrafin se, duke përfshirë pronësitë individuale dhe ato që i kanë në bashkëpronësi, numri i pronave të regjistruara në emër të grave në Kosovë është mbi 138 mijë sosh.
Numri i njësive kadastrale të regjistruara me të drejtën e pronës apo posedim i përbashkët në Kosovë tani është 12 mijë e 158, teksa vetëm rreth një vit më parë ky numër nuk arrinte as 8 mijëshin.
Sipas statistikave që Telegrafi kishte siguruar nga AKK-ja në dhjetor të vitit 2020, ishin 7 mijë e 417 prona në Kosovë të regjistruara si prona të përbashkëta të bashkëshortëve.
Ndërkaq ky numër është rritur dukshëm gjatë vitit 2021, ose më saktësisht është rritur për 4 mijë e 741 prona më shumë në shkurt të vitit 2022, sesa që ishin në dhjetor të 2020.
“Deri me tani në tërë territorin e Republikës së Kosovës kemi 12.158 njësi kadastrale të regjistruara me të drejtën Pronë/Posedim i përbashkët dhe kemi 138.600 prona në emër të grave, me të gjitha llojet e të drejtave. (Përfshi pronësi individuale, bashkëpronësi etj)”, thuhet në përgjigjen që Agjencia Kadastrale e Kosovës ka dhënë për Telegrafin.
Në rritjen e numrit të pronave të regjistruara në emër të dy bashkëshortëve ka ndikuar edhe udhëzimi administrativ, i fuqizuar në vitin 2016 e i cili stimulon regjistrimin e pronave të paluajtshme të përbashkëta në emër të dy bashkëshortëve në regjistrat publik.
Sipas të dhënave të AKK-së, para hyrjes në fuqi të këtij udhëzimi, numri i pronave të regjistruara me pronësi të përbashkët ishte dukshëm më i ulët.
“Para vitit 2016 kanë qenë 150 prona të regjistruara me të drejtën Pronësi/Posedim i Përbashkët”, thonë nga AKK-ja.
Agjencia Kadastrale e Kosovës nuk mund të bëj regjistrimin e të drejtave pronësore pa ekzistimin paraprak të një akti juridik të plotfuqishëm që parasheh mënyrën e regjistrimit të pronësisë.
“Regjistrimi i pronësisë si pronar të përbashkët regjistrohet në kadastër duke zbatuar aktin juridik – kontratën për bartjen e paluajtshmërisë, aktgjykimin për fitimin e pronësisë së përbashkët apo çfarëdo vendimi tjetër gjyqësor apo administrativ i cili përcakton fitimin e pronësisë së përbashkët”, kanë thënë për Telegrafin nga AKK-ja.
Ndryshe, në Republikën e Kosovës, nga viti 2016 çështja e regjistrimit të pronës pas lidhjes së kurorës nga një çift është e rregulluar me Udhëzim Administrativ i cili ka për qëllim që të stimuloj regjistrimin e pronave të paluajtshme të përbashkëta në emër të dy bashkëshortëve.
Regjistrimi i pronës së përbashkët nuk është i detyrueshëm, edhe në rastet kur prona nuk është e regjistruar në dokumente si e përbashkët, nëse ajo është formuar pas martesës së një qifti, atëherë u takon të dyve. /Telegrafi/
Lufta Prigozhin - Putin
Më shumëÇështja e shpërndarjes së Kuvendit, Kusari-Lila mohon se ka pasur diskutime mes PDK-së e LVV-së
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
90 milionë euro për rrugën drejt BE-së, ambasadori gjerman: Përkushtim i fortë për integrimin evropian të Kosovës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Ragmi Mustafi konfirmon kandidaturën për kryetar të Bujanocit, bënë thirrje për mobilizim masiv
Rinia Demokratike aksion para Qeverisë, simbolizojnë ikjen e profesionistëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës