Zbuloni hijeshitë e fshehura të artit minimalist në fshat

Hidhini një sy shtëpisë së vogël fenomenale pranë liqenit, e mobiluar në një stil fshati-minimalist

Minimalizmi fshatar – mbani në mend mirë këtë term, sepse falë tij u krijua një kënd i rehatshëm dhe luksoz dimëror në Karolinën Veriore.

Edhe pse fjala “luksoz” nuk shkon paralelisht me minimalizmin, kjo shtëpi e vogël na tregon se një gjë e tillë është shumë e mundur, transmeton Telegrafi.

Krijimi i një ambienti përrallor është bërë i mundur nga përdorimi i detajeve minimaliste me një bukuri fshati, ndërsa dhe moria e trarëve të gdhendur dhe objekteve të punuar me dorë e dëshmon pikërisht këtë.

Përveç gjithë këtyre “gjërave të vogla” fshatare, brendësia e kësaj shtëpie karakterizohet nga një grup i madh dyersh dykrahëshe që ofrojnë një pamje fantastike të gjelbërimit të harlisur veror apo oborrit të mbuluar me borë gjatë dimrit.

Dyert e dyfishta franceze e sjellin vizitorin drejt e në dhomën e ndenjes, e cila bashkohet me kuzhinën, ndërsa dhoma e gjumit ndodhet pranë shtëpisë.

Përsa i përket arredimit të shtëpisë bie në sy përdorimi i drurit (lisi dhe pisha), por edhe një gamë ngjyrash mjaft neutrale që i përgjigjet plotësisht minimalizmit që në fillim të rrëfimit.

Një kuzhinë e vogël qoshe si një shtesë në dhomën e ndenjes, e cila ka zgjedhur për vete vetëm pjesë të rehatshme dhe pa vëmendje – ato punojnë së bashku në mënyrë ideale për t’u siguruar qiramarrësve funksionalitet dhe rehati maksimale.

Dritaret mbresëlënëse nga gri deri në tavan të lyera në gri janë përdorur me mençuri për të lidhur fasadat e jashtme në ndryshim, dhe janë të veshura gjithashtu me alumin me efikasitet energjie për të ofruar ngrohtësi gjatë dimrit dhe hije gjatë muajve të verës.

/Telegrafi/