Vivo prezanton dy telefona inteligjentë të rinj – V23 Pro ka aftësinë të ndryshojë ngjyrat

Vivo ka prezantuar zyrtarisht dy telefona celularë të rinj të serisë V, përkatësisht V23 dhe V23 Pro.

V23 Pro Sunshine Gold tërheq vëmendje të veçantë sepse ka aftësinë për të ndryshuar ngjyrën, e cila ndryshon plotësisht kur pajisja është e ekspozuar ndaj dritës së diellit. Viva pretendon se u deshën dy vjet për të zhvilluar materialin që ofron këtë mundësi.

Nëse telefoni lihet në diell për 30 sekonda, ai do të ndryshojë ngjyrën në një kombinim blu dhe jeshile dhe më pas do të rifitojë ngjyrën e tij të artë.

V30 dhe V30 Pro kanë dy kamera selfie, kryesorja 50 dhe ajo ultra e gjerë 8 MP. Sistemi i kamerës selfie gjithashtu mbështet fokusimin automatik të syve. V23 Pro ka një kamerë kryesore të pasme 108 MP, ndërsa në rastin e V23 është një kamerë 64 MP. Përveç kësaj, të dyja pajisjet kanë një kamerë ultra të gjerë 8 inç dhe një sensor makro 2 MP.

V23 Pro mori një ekran OLED 6,56 inç me një rezolucion prej 1,080 dhe një shpejtësi rifreskimi prej 90 Hz. Anët e pajisjes janë të sheshta, të ngjashme me iPhone 12 dhe 13. Një tjetër ndryshim i madh midis dy modeleve është procesori pasi V23 përdor MediaTek Dimensity 920 dhe V23 Pro Dimensity 1200.

Vivo do të lançojë celularët e rinj në tregun aziatik, por priten edhe në Evropë. Në konfigurimin me 8 GB RAM dhe 128 GB memorie të brendshme, V23 do të shitet për rreth 400 dollarë, dhe me 12 GB RAM dhe 256 GB memorie të brendshme për rreth 470 dollarë.

V23 Pro gjithashtu do të ofrojë të njëjtat konfigurime me çmime rreth 520 dhe 590 dollarë. /Telegrafi/