Tjetër ndryshim në dokumentarin “Estetika me Krenarin”, episodi i dytë sjell zgjidhjen e problemit me akne të Elenës

Është transmetuar tashmë episodi i dytë i dokumentarit “Estetika me Krenarin”.

I titulluar “Më nuk më lënë përshtypje shikimet e të tjerëve”, episodi i kësaj jave i është dedikuar Elenës – një vajze të re nga Peja e cila ka pasur probleme me aknet.

Episodi nisi me rrëfimin e Elenës, me vështirësitë që kishte hasur gjatë kohës sa ishte në studime, ku shikohej nga të tjerët me një sy tjetër.

Pasi tregoi problemet e saj, Marigona dhe Krenari zhvilluan një bisedë në ordinancën “Esthetica”, ku pas kryerjes së analizave paraprake të pacientes, ajo u dërgua për trajtim te doktoresha Shqiponja Bajraktari Ponosheci.

Zana Baruti Gafurri – biokimiste tregoi rezultatin e analizave në laborator, ku kryesisht të gjitha ekzaminimet tregonin se gjendja e Elenës ishte e mirë nga ana shëndetësore.

Pas kësaj, pacientja nga Peja kreu trajtimet ‘Alma Harmony XL PRO’ për pastrimin e fytyrës, Dye – VL – ‘Baby Face’ dhe Tixel.

Pas katër javësh, Elenës vetëm fillojnë t’i shihen rezultatet në fytyrë, teksa pas 25 javësh ajo mund të shihet me një lëkurë krejtësisht të re dhe të pastër në fytyrë.

Përgjatë trajtimit, Ass. Msc. Krenar Dobroshi, sugjeroi të gjithë shikuesit e “Estetika me Krenarin” që kanë probleme me aknet, që të bëjnë kujdes në ushqim dhe përdorimin e produkteve kozmetike.

“Estetika me Krenarin” është emision i cili transmetohet çdo të diel në ora 15:00 në RTV Dukagjini, me përcjellje nga portali Telegrafi.