Një hulumtim disa mujor i ekipit të Drejtësia në Kosovë, i transmetuar më pas në tri pjesë të ndara në janar të vitit 2019, shfaqi pamjet ekskluzive të lidhjes mes kontrabandistëve dhe zyrtarëve policor në veri të Kosovës për kontrabandë.
Këto lidhje mes kontrabandistëve dhe zyrtarëve policor i kishte deklaruar një person i cili vetë kryente kontrabandë me mallra përmes rrugëve ilegale.
Ai shpjegonte në detaje se si funksiononte zinxhiri, në cilat pika liheshin paratë e deri tek ajo se cilët zyrtarë policor ishin të përfshirë.
Madje skema fuqizohej më shumë kur kontrabandistët e dinin saktësisht se cilët zyrtarë policor ishin në ndërrime të caktuara dhe me cilin do të bisedonin për të mundësuar kontrabandën pa u penguar nga askush përmes rrugëve ilegale nga Serbia në Kosovë.
Të përfshirë në këtë lidhje për bashkëpunim me zyrtarë policor për kontrabandë ishin edhe dy nga 13 serbët e Kosovës, Milan e Milojko Radisavljeviq të cilët janë sanksionuar së fundmi nga ana e Shteteve të Bashkuara të Amerikës.
Në njërën nga emisionet e ‘Drejtësia në Kosovë’, njëri nga kontrabandistët tregonte se ishin disa dyqane ushqimesh e edhe pompa të benzinës ku i linin paratë për zyrtarët policor të cilët lejonin më pas futjen e kamionëve përmes rrugëve ilegale, e të cilët transportonin mall të ndryshëm në mënyrë të paligjshme.
“Do të shkoj te dyqani i quajtur “Guri” aty ku lihen paratë për policinë apo shefin e ndërrimit. Për çdo hyrje apo dalje, je i obliguar që të paguash dhe t’i lësh paratë në dyqan”, tregon qytetari i cili i njëjti si shumë të tjerë kontrabandonte mallra të ndryshme përmes rrugëve ilegale.
Ai madje jepte detaje edhe se në cilat pompa të derivateve liheshin paratë për zyrtarët policor për të lejuar futjen e automjeteve me mall të kontrabanduar.
Tutje ai tregonte dhe shpjegonte se jo të gjithë automjetet që futen përmes rrugëve ilegale paguanin shumën e njëjtë.
“Për një kamion të thjeshtë 50 euro, për një furgon prej 50 deri 100 euro”, vazhdon rrëfimi i të njëjtit.
Në çështje tjetër që kishte rrëfyer kontrabandisti, ishte se shpesh herë zyrtarët policor apo shefat e ndërrimit dilnin me makina private për të mbledhur shumën e parave për kalimin e kamionëve me mall të kontrabanduar përmes rrugëve ilegale.
Kur u pyet se si e marrin vesh zyrtarët policor se ke paguar paratë për futjen e kamionit ai u përgjigj: “Detyrimisht duhet ta kontaktojmë në telefon”.
Zbardhja e lidhjes mes kontrabandistëve dhe zyrtarëve policor u vërtetua në maj të vitit 2019. 31 persona ishin arrestuar, ndër ta edhe 19 zyrtarë policor në aksionin e shtirë në 12 lokacione të Inspektoratit Policor të Kosovës në po atë vit.
Pamjet e transmetuara nga “Drejtësia në Kosovë” dëshmonin qartë atë çka po ndodhte në veriun e Kosovës.
Dy nga të sanksionuarit e Departamentit të Thesarit të ShBA-së, janë edhe Milan dhe Miljojko Radisavjeviq. Të dy janë të kërkuar që nga viti 2019 sepse ishin në dosjen e të dyshuarve për kontrabandën që zhvillohej në veri të Kosovës gjatë asaj kohe e që mundësohej nga zyrtarët policor.
Milan Radoiçiq, Zvonko dhe Zharko Veselinoviq, Zhelko e Andrija Bojiq, Milan e Miljojko Radisavljeviq, Srdjan Vuloviq, Marko Roshiq, Milan Mihaljoviq, Radovan Radiq, Sinisha Nedeljkoviq, Radule Steviq, të gjithë serbë nga Kosova, janë vënë në listën e sanksioneve të Departamentit të Thesarit të Shteteve të Bashkuara të Amerikës. /Kallxo.com/
Promo
Reklamo këtuLufta Prigozhin - Putin
Më shumëNisin lëvizjet e para për njohjen e gjuhës shqipe, Google po shton Kosovën në programin e verifikimit të reklamuesve
Qyteti i Nagoldit në Gjermani kërkon binjakëzim me qytete nga Kosova e Shqipëria
Ish-udhëheqësi i inovacionit në Mercedes Benz, Philip Gneiting: Kosova ka rini me ide të mira për startup-e
Raketat “Javelin” pritet të arrijnë në Kosovë shumë shpejt
Aksident në magjistralen Prishtinë-Pejë, katër të lënduar
Tragjedi në Greqi, mbytet në det fëmija shqiptar
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Mozzik dhe Lotina Haziri në një lidhje dashurie?
Si e ndryshoi historinë amerikane ylli i filmave për të rritur?
Aksion i policisë në Leposaviq, konfiskohen dhjetëra uniforma të policisë serbe
Dënime drakonike për duhanxhinjtë: 20 mijë euro gjoba për bizneset, 200 euro për personat që pinë duhan në ambiente të mbyllura
Donald Trump filloi të thotë gënjeshtra - shumë televizione amerikane ndërprenë transmetimin e konferencës
Sir Alex Ferguson nuk i foli asnjëherë lojtarit që ishte blerja e tij e fundit tek Man United