Rastet e reja me COVID-19 po pushtojnë Evropën edhe një herë dhe si pasojë, masat ndryshojnë në të gjithë kontinentin – nga një bllokim kombëtar në Austri, drejt vaksinimit të detyrueshëm në Gjermani, dhe jo vetëm.
Veç këtyre, shqetësimet për variantin e ri Omicron të zbuluar në Afrikën e Jugut kanë shtyrë shumë vende evropiane të frenojnë udhëtimet, përcjell Telegrafi.
Megjithatë, Delta mbetet forca dominuese në Evropë, duke llogaritur shumicën dërrmuese të infeksioneve të reja dhe duke ushtruar presion në rritje mbi spitalet.
Dhe Organizata Botërore e Shëndetësisë paralajmëroi në nëntor se vetëm Evropa dhe Azia Qendrore mund të përballen me 700,000 vdekje të tjera nga COVID-19 deri më 1 mars.
Por çfarë mendojnë ekspertët për variantin e ri?
Ndërsa disa qeveri ndërkombëtare kanë rivendosur kufizimet e udhëtimit dhe rregulla të tjera të lidhura me COVID-19, Organizata Botërore e Shëndetësisë (OBSH) dhe ekspertët e Coronavirusit besojnë se varianti është vetëm ‘super i butë’.
Madje, sipas mediave të huaja, përcjell Telegrafi, ekspertët kanë paralajmëruar qeveritë dhe organizatat ndërkombëtare kundër krijimit të një histerie rreth variantit Omicron – varianti i fundit i COVID-19.
Dr. Angelique Coetzee, kryetare e Shoqatës Mjekësore të Afrikës së Jugut, tha se ky reagim ishte “parë në aspektin mjekësor, jo i justifikuar”.
Mjekja ka theksuar se nuk ka pasur vdekje apo sëmundje të rënda të raportuara nga varianti i ri, gjë që dëshmon se mund të mos jetë një problem aq i madh sa disa njerëz e kanë portretizuar atë javët e fundit. ”
Duke parë butësinë e simptomave që po shohim, aktualisht nuk ka asnjë arsye për panik pasi nuk shohim asnjë pacient të sëmurë rëndë”, citohet të ketë thënë Coetzee.
Mjekët e Afrikës së Jugut e kanë mbështetur gjithashtu këtë teori dhe kanë pohuar se shumica e rasteve të variantit Omicron që ata kanë parë deri më tani kanë qenë “të lehta” dhe jo të rënda.
“Klinikët tanë nuk kanë parë sëmundje të rënda. Një pjesë e saj mund të jetë për shkak se shumica e atyre që janë pozitivë janë të rinj”, tha ministri i shëndetësisë i Afrikës së Jugut, Joe Phaahla.
Ekspertët e OBSH-së gjithashtu kanë paralajmëruar vendet që të mos vendosin kufizime udhëtimi pasi ato janë ‘masa ekstreme’ që nuk nevojiten në situata të tilla të buta.
“Këto lloj ndërhyrjesh nuk janë të qëndrueshme. Këto lloj masash ekstreme nuk janë rekomandimet tona”, ka thënë Dr Catherine Smallwood, Zyrtare e Lartë e Emergjencave në Zyrën Rajonale të OBSH-së për Evropën.
Pos tyre, një tjetër ekspert i OBSH-së, drejtor rajonal për Afrikën, Dr Matshidiso Moeti, u kërkoi vendeve të mos vendosin kufizime udhëtimi.
Ai shtoi se këto kufizime mund të ndihmojnë në reduktimin e përhapjes, por gjithashtu do të sjellin ndikime të rënda negative në ekonominë dhe jetesën e banorëve të rajoneve të izoluara.
Ndryshe, sipas të dhënave, shumica e pacientëve që janë infektuar nga varianti Omicron kanë raportuar simptoma të përziera, si marramendje dhe dhimbje koke. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Protestat pro-palestineze shtojnë presionin mbi Bidenin
Palestinezët festojnë “pranimin e marrëveshjes” nga Hamasi, ndërsa izraelitët protestojnë për kthimin e pengjeve
Erdogan u bën thirrje vendeve perëndimore të rrisin presionin ndaj Izraelit për pranimin e marrëveshjes
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Protestat pro-palestineze shtojnë presionin mbi Bidenin
Droni ukrainas hedhë në erë anijen ruse në Krime, pamje nga aksioni
Erdogan u bën thirrje vendeve perëndimore të rrisin presionin ndaj Izraelit për pranimin e marrëveshjes
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'