Nesër në Kosovë mot me diell, por i ftohtë – të dielën shi

Mbi vendin tonë do të vazhdojë të mbajë mot i ndryshueshëm ditëve të ardhshme. 

Sipas Prishtina Weather të shtunën do të ketë intervale me diell e ftohtë.  Ditën e diel pas ngricave dhe mjegullës në mëngjes, në mbrëmje priten sërish reshje shiu.

Shi vazhdon të bie edhe ditën e hënë, që më vonë shndërrohet në borë, e vazhdon edhe ditën e martë, kur vonë në mbrëmje reshjet pushojnë.

Moti më stabil, pushon edhe erërat, e ndotësit mund të mbesin më të përqendruar pranë sipërfaqes, e orëve të mbrëmjes të shtunën dhe dielën në mëngjes, indeksi i cilësisë së ajrit kalon  edhe në vlera të dobëta dhe shumë të dobëta.

Temperaturat do të jenë mjaft të ndryshueshme në ditët e ardhshme.

Minimalet deri të dielën zbresin edhe në -2C, e të hënën rriten në 4C, për pësuar një rënie edhe deri në -5C të mërkurën.

Ndërkaq maksimalet nga 6C të shtunën, rriten në 10C ditën e diel, më pas me një rënie deri në 1C ditën e martë.

Do të fryjë erë drejtimesh të ndryshme gjatë kësaj periudhe, kryesisht nga verilindja e juglindja, e lehtë dhe mesatare 2-8m/s.

Shtypja atmosferike në rënie ditëve të fundjavës, e më pas me tendencë të rritjes. /Telegrafi/