“Nokia 3310” që mund ta hani – ëmbëlsirë në formë telefoni

Torta me madhësi reale të Nokia 3310 është prezantuar me rastin e festimit të ditëlindjes së pestë të HMD Global, shtëpia e telefonave Nokia.

HMD Global, një kompani finlandeze, është kredituar për prodhimin e telefonave Nokia duke përfshirë ikonën e dashur Nokia 3310 dhe telefonat inteligjentë të rinj më të qëndrueshëm si Nokia XR20, të krijuar për t’i mbijetuar të gjitha sfidave që përgatit jeta.

U deshën 40 orë për të bërë tortën Nokia 3310 dhe ajo u krijua nga artistja e tortave me famë botërore Michelle Wibowo. Pjesa e brendshme e tortës është me çokollatë dhe gjalpë dhe krem ​​vanilje. Çdo buton është prerë dhe formësuar në përsosmëri.

Në vitin 2017, HMD Global rilançoi Nokia 3310 me një kthesë moderne për kënaqësinë e fansave të Nokia në mbarë botën. Dizajni i personalizuar i ndërfaqes së përdoruesit i sjell një pamje të freskët dizajnit klasik, dhe sigurisht, ai ka gjithçka që pritet nga një telefon Nokia – nga një bateri afatgjatë dhe dizajni i qëndrueshëm e deri te loja legjendare celulare “gjarpër”.

“Ne jemi jashtëzakonisht krenarë për sa larg kemi arritur në pesë vitet e fundit. Faleminderit të gjithë klientëve, punonjësve, partnerëve dhe furnitorëve tanë që kanë luajtur një rol kyç në ndihmën që HMD Global të arrijë përvjetorin e saj të pestë dhe shumë të tjerë përpara”, tha Stephen Taylor, zyrtari kryesor i marketingut në HMD Global. /Telegrafi/