Swiss Diamond Hotel Prishtina feston 10 vjetorin e themelimit me arritje të jashtëzakonshme

Muaji nëntor, muaji i themelimit dhe suksesit të Swiss Diamond Hotel.
Janë 10 vite angazhim dhe sukses për cilësi, kualitet, shërbime të klasit të lartë në akomodim, restaurant, bar dhe spa.

Që nga hapja, pra para 10 viteve, hoteli ka qenë dhe do të mbetet pikë referimi për diplomatë, artistë, sportistë dhe biznismen të ndryshëm nga rajoni dhe bota.

Ia vlen të përmendim që deri më tani mbi 150 mijë mysafirë janë akomoduar në hotel, ndër ta dhjetëra presidentë, kryeministra, ministra, diplomatë, artistë, sportistë dhe biznismen të famshëm botëror.
Nder dhe kënaqësi ishte mikëpritja e personaliteteve të shquara si: Madeleine Albright, Bill Clinton, Hillary Clinton, Joe Biden, Catherine Ashton, Princi Charles, Recep Tayyip Erdogan, Edi Rama, Rita Ora, Dua Lipa, Robin Krasniqi e shumë të tjerë nga bota e artit, politikës si dhe shumë nga komuniteti i biznesit duke e veçuar diasporën bashkë me kompanitë e ndryshme vendore.

Përgjatë këtyre 10 viteve hoteli ka dëshmuar veten duke fituar çmime dhe mirënjohje të ndryshme prestigjioze ndërkombëtare për cilësi dhe kualitet.
Në vitin 2020 hoteli u shpall fitues nga “The World Luxury Hotel Awards 2020” për “Best Luxury Spa & Wellness Sanctuary” në kontinentin e Evropës.

Ndër çmimet tjera të fituara janë:

Winner ” Best luxury Hotel & Spa, Country Winner Kosovo”
Winner ” Best luxury Medical Spa, Continent Winner Europe”
Winner ” Best Restaurant in Hotel, Continent Winner Europe”
Winner ” Best luxury Business Hotel, Continent Winner Europe”

Pa dyshim që pjesë e suksesit përgjatë këtyre 10 viteve është edhe stafi i mrekullueshëm që në tërësi përbëjnë një numër rreth 200 punonjës ku me angazhimin e tyre kanë bërë që hoteli të shkëlqejë dhe të çertifikohet nga nëntë institute ndërkombëtare të gastronomisë dhe akomodimit e në veçanti nga ajo “AMERICAN ACADEMY OF HOSPITALITY SCIENCES” që na përcjell vit pas viti që nga hapja!