Ajo jeton e vetme, në një qytet të izoluar kanadez dhe udhëton 544 km për të blerë ushqime

Herën tjetër ju që urreni të vraponi deri në një dyqan aty pranë, mbani mend këtë vajzë që udhëton dy herë në ditë qindra kilometra për tu furnizuar me ushqimin që i nevojiten.

Shfrytëzuesja e TikTok, Sinead Meader jeton në Yukon në Kanada, i cili përveç natyrës fantastike ka edhe një problem të vogël – dyqani i parë ndodhet 544 kilometra larg.

Për t’i bërë gjërat edhe më keq, Shinead është një konsulente ushqimore dhe ajo shkon në pazar çdo gjashtë deri në tetë javë.

Meader një trajnere ushqimi që jeton në Yukon të largët në Kanada, duhet të bëjë një udhëtim të rrezikshëm për të blerë ushqime. Yukon është një territor në veriperëndim të Kanadasë me një pamje që të lë pa frymë dhe ka shumë pak banorë.

@sineadmeader##yukon ##nativetiktok ##activelifestyle ##lifebelowzero ##greatcanadiannorth ##canada♬ original sound – Sinead Meader

Sinead thotë se shkon në dyqanin më të afërm që gjendet rreth pesë orë larg dhe se në atë pjesë nuk ka sinjal telefonik. Gjithashtu, ajo thotë se gjithçka mund të jetë e lodhshme, por të paktën ajo ka një pamje të bukur gjatë rrugës.

Moti në atë pjesë të shtetit kanadez nuk është më i miri, shpesh bie shumë borë, shi dhe krijohen akuj gjersa temperaturat bien në minus 20 gradë.

“Edhe kur asgjë nuk bie, bëhet mjegull, kështu që është e vështirë të shihet gjatë vozitjes. Shpesh kafshët dalin në rrugë. Unë shpenzoj më shumë se 1000 dollarë vetëm për udhëtimet deri në dyqan”, thotë Sinead.

Ka një dyqan të vogël afër shtëpisë, por ka vetëm gjëra elementare dhe është shumë më i shtrenjtë sesa në zona më të mëdha. /Telegrafi/