Pjesëtarët e xhandarmërisë së Ministrisë së Punëve të Brendshme të Republikës Serbe kanë hyrë në kazermën e Forcave të Armatosura në Rajlovac afër Sarajevës të martën pasdite, me pretekstin se duhet t’i privojnë lirinë një ushtari.
Kështu së paku shkruan mediumi boshnjak Istraga.ba, duke u bazuar në informata nga disa burime në Ministrinë e Mbrojtjes të BeH dhe Forcat e Armatosura, përcjell Telegrafi.
“Ata kanë ardhur me dy makina policie, njëra prej të cilave ishte e Xhandarmërisë. Rreth orës 15 kanë qenë te porta e kazermës në Rajlovac, në kërkim të ushtarit A.Ç. i cili dyshohet se ka kryer veprën penale të grabitjes”, ka thënë një nga bashkëbiseduesit e mediumit në fjalë.
Sipas informacioneve nga Istraga.ba, pjesëtarët e Xhandarmërisë kanë parkuar automjetet në hyrje të kazermës dhe kanë kërkuar që të futen për të arrestuar ushtarin e dyshuar.
“Por në të dhënat e tyre është shkruar mbiemri i gabuar. Kanë qëndruar për pak kohë në kazermë”, sqaron bashkëbiseduesi i Istraga.ba.
Dhe lidhur me informacionin në fjalë, ka ardhur reagimi i Ministrisë së Punëve të Brendshme të RS, shkruan Oslobodenje.ba.
“Anëtarët e Ministrisë së Brendshme të RS nuk kontrolluan asnjë zonë në Rajlovac afër Sarajevës, as anëtarë të Xhandarmërisë nuk u angazhuan në privimin e lirisë së anëtarëve të Forcave të Armatosura të BeH në kazermat e AF të BeH në atë vend, siç kanë raportuar disa media. Ky është një lajm i rremë”, është thënë në një deklaratë nga Ministria e Brendshme e RS.
Duke pasur parasysh se portali Istraga.ba ishte i pari që publikoi lajmin për depërtimin e pjesëtarëve të xhandarmërisë në kazermën në Rajlovac, është e qartë se deklarata e MPB-së së RS-së i referohet para së gjithash këtij portali, i cili ka dalë me një kundër-reagim.
“Ministria e Brendshme e RS mohon se anëtarët e tyre kanë kryer ‘bastisje’ në Rajlovac, duke pretenduar se janë publikuar lajme të rreme. Mirëpo, Istraga.ba as nuk ka bërë të ditur se janë kryer bastisje, por se pjesëtarët e MPB-së së RS-së kanë hyrë me dy vetura në kazermën e Rajllovacit, duke tentuar të arrestojnë një pjesëtar të Forcave të Armatosura të BeH-së”, thuhet në komentin e këtij portali, përcjell Telegrafi.
Megjithatë, Senad Masoviq “korrigjon si Ministrinë e Brendshme të RS ashtu edhe portalin Istraga.ba”.
Nuk ka pasur absolutisht asnjë përpjekje të dhunshme për të hyrë në vendndodhjen e Forcave të Armatosura të Bosnjë dhe Hercegovinës (AFBiH) në Rajlovac, ka thënë për Radiosarajevo.ba shefi i Shtabit të Përbashkët të Forcave të Armatosura të BeH, gjeneral kolonel Senad Masovic. /Telegrafi/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
SHBA-ja përgjon aeroplanët rusë
Dhjetë aeroportet më të pastra në botë - vetëm një është në Evropë
Vuçiq humb kontrollin gjatë konferencës, analisten amerikane Ivana Stradner e quan të çmendur
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak