“Jam infektuar dy herë me COVID-19, nuk vaksinohem” – Callum Robinson jep arsyet e tij

Callum Robinson thotë se nuk do të vaksinohet pavarësisht se është infektuar me COVID-19 dy herë, një herë në nëntor dhe përsëri në gusht.

Lojtari 26-vjeçar ka humbur ndeshjet e Republikës së Irlandës pasi kishte kontakt me një të infektuar dhe foli për vendimin e tij për të refuzuar vaksinën përpara ndeshjeve të ardhshme ndërkombëtare.

I pyetur nëse ishte vaksinuar kundër COVID-19, ai u përgjigj: “Unë nuk jam vaksinuar, jo. Kjo është zgjedhja ime në këtë moment, në këtë kohë”.

“Është padyshim e bezdisshme që e jam infektuar dy herë, por nuk jam vaksinuar. Më tej mund të ndryshoj mendje dhe mund ta bëj, por në këtë moment nuk jam vaksinuar, jo”.

I kritikuar pse ai e ka refuzuar vaksinimin, ai tha se është zgjedhja e tij personale: “Unë thjesht nuk e kam bërë, thjesht nuk e kam bërë”.

🗣"Everyone has that choice."

Callum Robinson has revealed he has not yet been vaccinated against COVID 19. pic.twitter.com/jc3DldzBsk

— Football Daily (@footballdaily) October 6, 2021

“Mendoj se është zgjedhja juaj personale dhe zgjedhja ime në këtë moment, nuk jam vaksinuar”.

“Unë e di, siç e thatë, ka trajnerë dhe njerëz që do të duan që ju ta bëni atë, gjë që është e drejtë në mënyrën e tyre, në mënyrën se si ata mendojnë, por të gjithë kanë zgjedhjen e tyre për atë që duan të bëjnë”.

🗣️ "I might be being a bit naïve but I don't understand it."

Liverpool manager Jurgen Klopp does not understand why there is a reluctance among Premier League players to be vaccinated against Covid-19.

— Sky Sports News (@SkySportsNews) October 3, 2021

“Nuk do t’i detyroja njerëzit ta bëjnë këtë, është zgjedhja juaj dhe trupi juaj”, ka shtuar më tej ai.

Kjo deklaratë vjen pasi trajneri i Liverpoolit, Jurgen Klopp shprehu zhgënjimin e tij për ngurrimin e lojtarëve të Ligës Premier që të vaksinoheshin kundër COVID-19. /Telegrafi/