Jesy Nelson zbulon se u largua nga “Little Mix” pasi u ndje e bllokuar: Ishin 10-të vitet më të palumtura të jetës

Jesy Nelson ka zbuluar se u largua nga “Little Mix” pas 10-të vitesh që ndjehej e bllokuar.

30-vjeçarja tregoi se si krahasimi i vazhdueshëm i të qenit pjesë e një prej grupeve të vajzave më të suksesshme në Britani, ndikoi në shëndetin e saj mendor, shkruan DailyMail.

Duke folur në episodin e fundit të Reign With Smith, Jesy, e cila ka nis karrierën solo, i tha prezantuesit se ishin gjërat e vogla që e bën të ndihej e bllokuar.

“Kur ishte puna te gjërat e vogla, sikur nëse duhet të bënim një video dhe të gjithë duhet të vishnin bikini dhe unë nuk doja t’i vishja sepse ndihesha keq me vetën, nuk mund ta bëja”, shpjegoi ajo.

“Janë vetëm gjërat e vogla, që më bënin të ndihesha e bllokuar. Dhe ishte krahasimi i vazhdueshëm për çdo ditë që ishte i vështirë dhe eventualisht, pas 10-të vitesh, merr një dëmtim masiv në shëndetin mendor”, vazhdoi tutje ish-ylli i “Little Mix”.

Ajo fillimisht u paraqit si këngëtare solo në “X Factor”, në vitin 2011, dhe u soll përsëri pas eliminimit për të formuar grupin bashkë me tri vajzat e tjera Jade Thirlwall, Perrie Edwards dhe Leigh-Anne Pinnock.

Lexo po ashtu Të gjitha lajmet nga Little Mix

Dhe pavarësisht se ajo pati momente të mrekullueshme me vajzat e ish-grupit, të cilat tha se i konsideron si motra, Jesy ishte e vendosur se duhej të bënte atë që e bënte të ndihej e lumtur.

Pas vendimit që i ndryshoi jetën vitin e kaluar, këngëtarja ka gjetur zërin brenda shkrimit të këngës së saj debutuese “Boyz”, për të cilën tha se u inspirua nga zemra e thyer.

Jesy tani ka gjetur aftësinë t’i kontrolloi të gjitha, nga videot muzikore, tek stili, duke u ndjerë se një peshë i është hequr nga supet.

“Është hera e parë që mundem vërtetë t’i shpjegoj ndjenjat e mia në këngë, gjë që është shumë freskuese”, përfundoi këngëtarja. /Telegrafi/