Edhe sot nuk kanë ardhur ekspertët gjerman për hetime në Spitalin e Tetovës

Edhe sot, katër ekspertët gjermanë nuk erdhën në vend për të përcaktuar shkakun e zjarrit në spitalin modular në Tetovë, në të cilin humbën jetën 14 persona.

“Katër ekspertët nuk kanë mbërritur sot. Ne presim që ata të mbërrijnë këto ditë”, tha sot zëdhënësi i qeverisë Dushko Arsovski.

I pyetur se deri ku është hetimi për zjarrin tragjik, duke qenë se kanë kaluar disa ditë që atëherë, Arsovski udhëzoi gazetarët që të kërkojnë përgjigje nga organet kompetente hetimore në vend, të cilat veprojnë në mënyrë të pavarur nga ekzekutivi.

“Ne gjithashtu apelojmë tek autoritetet që të përfundojnë hetimin sa më shpejt të jetë e mundur”, tha Arsovski.

Gazetarët u interesuan gjithashtu nëse dorëheqjet e ministrit të Shëndetësisë Venko Filipçe dhe zëvendësit të tij Ilir Hasani janë reale, dhe sa larg është vendimi i kryeministrit Zaev për ta.

“Dorëheqjet e ministrit Venko Filipçe dhe zv. ministrit Ilir Hasani, të cilat u njoftuan përmes një konference për shtyp të ministrit dhe statusit të deputetit në Facebook, i janë dorëzuar kryeministrit Zaev dhe janë të arkivuara dhe ato nuk devijojnë nga këto dorëheqje. Kryeministri tashmë ka njoftuar se do të marrë vendimin e tij pasi të përcaktohen përmes çështjes që po zhvillohet për rastin dhe ne presim që kjo të ndodhë në periudhën e ardhshme. Kryeministri gjithashtu apelon tek autoritetet kompetente që të përfundojnë hetimin sa më shpejt të jetë e mundur”, tha Arsovski./Telegrafi/