Brenda rezidencës disa milionëshe të Al Capone, vendi ku ‘gangsteri’ i kaloi vitet e fundit të jetës së tij

Rezidenca e pushimeve të Al Capone në një ishull në Florida duket se do të shembet.

Sipas medieve të huaja, përcjell Telegrafi, pasi bleu strehën për 40 mijë dollarë në vitin 1928, shefi i krimit e përdori atë për një arratisje dimërore, derisa Çikago po ‘ngrinte’.

Ishte në shtëpinë me mure të bardha në Florida që atëherë Al Capone 29-vjeçar organizoi festa me pishinë, në komoditetin e sigurisë gjatë gjithë kohës.

Vetëm tre vjet më vonë, gangsteri u burgos për evazion fiskal, duke vuajtur gjashtë vjet e gjysmë burg federal.

Pas lirimit nga burgu Alcatraz, ai i kaloi vitet e fundit në rezidencë duke vuajtur nga pareza, një paralizë e pjesshme që rezultoi sifilizi, derisa vdiq nga arresti kardiak në një dhomë mysafirësh në vitin 1947.

Disa dekada më vonë rezidenca në lagjen e Palm Island të Biscayne, po destinohet për t’u shembur.

Zhvilluesit e pasurive të paluajtshme që kanë blerë pronën thonë se problemet strukturore të ndërtesës dhe trashëgimia e ‘dhunshme’ e Capones, nuk ia vlen të ruhet.

Shtëpia vështirë se ka mbetur një mbijetesë e mafiozit dikur të frikshëm, kur gruaja e tij Mae, e shiti atë në vitin 1952 dhe që atëherë aty kanë jetuar disa pronarë.

Todd Glaser, një zhvillues i pasurive të paluajtshme së bashku me Nelson Gonzales, një investitor, e blenë shtëpinë për 10.75 milionë dollarë.

“Nuk është diçka që duhet të festohet në sytë e mi. Nuk ia vlen të ruhet pasi që ka kaluar periudhën e saj”, ka potencuar Glaser.

“Shtëpia është e vjetër 100 vjet”, ka shtuar ai.

Glaser dhe partneri i tij i biznesit duan ta rrëzojnë dhe të rindërtojnë një shtëpi moderne dykatëshe me tetë dhoma gjumi dhe banjo; një xhakuzi dhe një sauna.

Shtëpia pritet të shitet për 45 milionë dollarë. /Telegrafi/