Pamjet që po shpërndahen në rrjetet sociale: Kështu dukej brenda aeroplani që u largua nga Kabuli

Një fotografi e pjesës së brendshme të një aeroplani që largohet nga Kabuli po përhapet në rrjetet sociale.

Bëhet fjalë për aeroplanin ushtarak amerikan US Air Force C-17, i cili, siç shkruan Defense One, fluturoi nga Kabuli të dielën, përcjell Telegrafi.

Sipas Defense One, e cila mori fotografinë nga zyrtarët ushtarakë, 640 persona ishin të grumbulluar në aeroplan, shumë herë më shumë se sa pritej, kjo pasi aeroplani në fjalë është i projektuar të bartë vetëm 150 persona.

JUST IN: “The Crew made the decision to go” — Inside RCH 871, which saved 640 from the Taliban … from @TaraCopp and me https://t.co/r4YvGqJZ4b pic.twitter.com/CI1mAmqjHT

— Marcus Weisgerber (@MarcusReports) August 16, 2021

Ndryshe, dhjetëra afganë po ikin nga talebanët, të cilët po përparojnë me shpejtësi dhe po marrin pushtetin në të gjithë vendin.

Le të shtojmë se fotografia nuk është, siç shkruajnë shumë media, nga pjesa e brendshme e aeroplanit nga i cili ranë njerëzit, i cili fluturoi nga Kabuli të hënën.

Aeroplani në foto thuhet se u ngrit të dielën, një ditë para skenave të tmerrshme nga aeroporti i Kabulit, kur mijëra njerëz të dëshpëruar po përpiqeshin të gjenin ndonjë rrugëdalje nga vendi. /Telegrafi/