Kosova ka mundur Luksemburgun 84:58 (26:20, 20:25, 22:3, 16:10) për të triumfuar në FIBA European Challenger, për U18 te meshkujt, kampionat që u zhvillua në Tiranë.
Dardanët shënuan katër fitore në katër ndeshje dhe me meritë u shpall kampione e kësaj gare. MVP i këtij kampionati u shpall Visar Ejupi i Kosovës.
Pas një fillimi të baraspeshuar, basketbollistët e Kosovës filluan të luajnë më mirë, duke pasur epërsi 20:12, derisa çereku i parë përfundon 26:20. Dardanët e rinj vazhduan me lojë të mirë në periudhën e dytë, duke ngritur epërsinë në 34:24, por një seri prej 0:7 nga ana e Luksemburgut ngushtoi shifrat në 34:31. Kosova sërish mori lojën në duar, duke arritur epërsi prej 44:36, por më pas kishte një rënie dhe pjesa e parë përfundon 46:45.
Kosova ishte fantastike në periodën e tretë, që dominoi në mbrojtje dhe në sulm, ku arritën epërsi prej 20 pikësh, 68:48, ndërsa Luksemburgu shënoi vetëm tri pikë për dhjetë minuta dhe kjo ishte një meritë e Dardanëve që aplikuan mbrojtje të fortë dhe agresive, duke ndalur lojtarët kryesorë të tij. Dardanët menaxhuan lojën edhe në 10 minutat e fundit, madje thelluan edhe më shumë epërsinë, për të triumfuar në fund 84:58.
Te Kosova në finale u dalluan Dion Sheqiri me 14 pikë, 8 kërcime e 9 asistime, Hajriz Hazeri me 11 pikë e 10 kërcime, Rinol Gashi me 13 pikë e 10 kërcime, Visar Ejupi me 14 pikë, Eliot Peci me 13 dhe Bardh Istrefi me 10 pikë.
Vendin e tretë e zuri Shqipëria, të katërtin Andorra, Gjibraltari u rendit i pesti, Malta të gjashtin dhe Moldavia të shtatin.
Promo
Reklamo këtuLufta Prigozhin - Putin
Më shumëNga Rubrika
Real Madridi mund të përshpejtojë negociatat për transferimin e lojtarit i cili do ta zëvendësojë Kroosin
Pika kulmore kur “Tyson Fury nuk donte të vazhdonte” në humbjen nga Oleksandr Usyk
Mesazhi fantastik i yllit të Man United pasi Kroos njoftoi për pensionim nga futbolli
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251