Ministri i Shëndetësisë, Venko Filipçe deklaroi se një pjesë të madhe të numrit të të sapoinfektuarve gjatë kësaj periudhe e përbëjnë udhëtarët të cilët vijnë nga jashtë, ndërsa se a janë ata bartës të variantit Delta do të vërtetohet.

“Mbrojtja më e mirë kundër koronavirusit dhe të gjitha llojeve të paraqitura deri më tani janë vaksinat, ndërsa ne nuk mundemi të jetojmë gjithmonë me restrikcione”, tha Filipçe në një deklaratë për televizionin Tellma dhe për këtë konsideron se kjo mjafton që qytetarët të jenë të vetëdijshëm se duhet të vaksinohen.

Ai edhe një here përsëriti se edhe krahas rritjes së të sapoinfektuarve, masa restriktive për momentin nuk vendosen. Janë të mundshme kufizime eventuale të vendosura në vjeshtë dhe ato të dedikuara vetëm për qytetarët e pavaksinuar.

“Nuk mund të na përsëritet pasqyra nga viti i kaluar me të gjitha ato kufizime të përforcuara”, tha ministri Filipçe.

Virusi gjatë vitit të kaluar është fajtor për mijëra raste të vdekjes kudo e madje edhe te ne dhe ministri është me qëndrim se vdekshmëria është e njëjtë kudo në rajon.

Në spitale po zbatohen të gjitha protokollet për mjekim, siguron ministri dhe shtoi se sistemi shëndetësor edhe për momentin është i gatshëm që t’i përgjigjet valës së re eventuale të infeksionit.