Fytyra e vërtetë e shtetit të udhëhequr nga Vuçiqi: Pamje që tregojnë “luftën për domate falas” në Leskovc të Serbisë

Prodhuesit e domateve nga Leskovc të Serbisë janë shprehur të pakënaqur me çmimin e shitjes, kështu që ata vendosën të ndajnë produktet e tyre falas.

Sipas medieve serbe, përcjell Telegrafi, ky gjest tregoi situatën reale të jetës në Serbi dhe kujtoi disa kohë të kaluara të viteve nëntëdhjetë, kur kishte pak miell dhe vaj – dhe njerëzit prisnin në radhë.

Tani njerëzit kanë nxituar për domate falas dhe kanë treguar të gjitha marrëzitë e historisë në lidhje me “rritjen ekonomike” dhe “minimumin prej 900 eurosh”, shkruajnë mediat serbe.

У Лесковцу данас тужна слика, с једне стране произвођачи парадајза који своје производе деле гратис, незадовољни откупном ценом, са друге грађани који грабе што је за џабе.

Тужно, јадно, понижавајуће. pic.twitter.com/T0G9OLmQSw

— Jovana Ćirković (@rilivadivuk) July 8, 2021

Siç vënë në pah më tej mediat, fermerët nga Leskovci shpërndanë prodhimet e tyre falas para dy tregjeve në atë qytet, sepse janë të pakënaqur me çmimin e blerjes, i cili ra në vetëm 10 dinarë për kilogram.

Shumica e tyre ishin pensionistë, në mënyrë që të merrnin produktet falas, por shumë shpejt u krijua një turmë dhe njerëzit futën me çmenduri domate në çantat e tyre, pa u interesuar për të tjerët.

Proizveli rasad, sadili, plevili, okopavali, prskali, obrali i poklonili. Nisu hteli da prodaju prekupcima, nisu pristali da ih ponižavaju. U svojoj muci humani. Ovo su ljudi, ovo je ljudskost. pic.twitter.com/gaVnB5AOok

— Ceca (@Ceca2103) July 8, 2021

Për ta bërë këtë gjest edhe më njerëzor, fermerët vendosën një kuti pranë kamionëve të tyre për të mbledhur ndihma për trajtimin e një djali të sëmurë, por askush nga njerëzit e Leskovcit të pranishëm nuk kontribuoi për djalin.

Skenat tronditëse nga Leksovci sot shqetësuan shumë qytetarë në Serbi, të cilët shprehën pakënaqësinë e tyre me situatën në të cilën gjenden fermerët.

“Ata prodhuan fidanë, mbollën, ua larguan barërat e këqija, gërmuan, spërkatën, këputën dhe dhuruan. Ata nuk dëshironin t’ua shisnin shitësve, nuk pranuan t’i poshtërojnë”, kishte shkruar një përdorues i Twitter. /Telegrafi/