“E drejta për të riparuar” lëvizja që po fiton fuqi në SHBA dhe Evropë

Britania e Madhe ka prezantuar rregulla për të drejtën e riparimit, një lëvizje e re që ligjërisht kërkon nga prodhuesit të bëjnë pjesët e këmbimit të disponueshme për njerëzit që blejnë pajisje elektrike.

Komisioni Evropian ka njoftuar rreth planeve të saj për të vendosur rregullat dhe të drejtën e riparimit me pjesët e nevojshme për telefonat e mençur, tabletët dhe laptopët.

Dhe gjatë kësaj jave, Presidenti i SHBA Joe Biden pritet të nënshkruajë një urdhër ekzekutiv duke i kërkuar Komisionit Federal të Tregtisë (FTC) të hartojë rregulla për riparimin e pajisjeve bujqësore, poashtu.

Ky ligj do t’u jepte fermerëve “të drejtën për të riparuar pajisjet e tyre si u pëlqen atyre”, tha sekretari i shtypit i presidentit, Jen Psaki.

Dhe disa presin që rregullat të shkojnë më tej dhe të përfshijnë edhe pajisjet elektronike të konsumit të gjerë, përkatësisht telefonat e mençur mobil ose konsolat e lojërave.

Prodhuesi i traktorëve John Deere është midis kompanive që e kundërshtuan idenë, duke thënë se ajo paraqiste një rrezik të sigurisë.

Ligji i propozuar është kundërshtuar gjithashtu nga gjigandët e teknologjisë si Amazon, Apple dhe Microsoft.