Bugatti testoi Chiron Super Sport deri në shpejtësinë 440 km/h

Pas njoftimeve të shumta në Bugatti, ata vendosën që më në fund ta testonin Chiron deri në shpejtësinë 440 km/h.

Ky është Chiron Super Sport, të cilin shumë e perceptojnë si një version luksoz të Chiron Super Sport 300+ me të cilin në vitin 2019 shoferi provues i Bugatti arriti një shpejtësi rekord prej 490.48 km/h.

Në Bugatti, vëmendje e veçantë i është kushtuar këtij testi, kështu që para se të nisej për në pistën Ehra-Lessien të Volkswagen, vetura ishte e pajisur me rreth njëqind sensorë për të matur të dhëna të rëndësishme si temperatura dhe presioni në vendet kyçe.

Siç pritej, këtu është edhe motori W16 me standarde 1,600 kuaj fuqi dhe 1,600 Nm, por me raporte të modifikuara të ingranazheve.

Mjafton të themi se futet në ingranazhin e shtatë vetëm pasi shpejtësia tregon 400 km/h.

“Pas provave të suksesshme të rrugës deri në 380 km / orë, tani po rregullojmë më tej trajtimin e automjetit për në shpejtësinë 440 km / orë për të siguruar siguri pa kompromis, edhe me këtë shpejtësi maksimale joreale, dhe për t’i dhënë shoferit një ndjenjë të mirë dhe mbi të gjitha shpejtësi ekstremisht të madhe”, tha Jachin Schwalbe, shefi i departamentit të zhvillimit të shasisë në një deklaratë të fundit.

Bugatti do t’i ofrojë tregut 60 Chiron Super Sport me një çmim prej 3.2 milionë euro. /Telegrafi/