Jesy Nelson zbulon se u largua nga “Little Mix” për shkak të një sulmi që pësoi në xhirimet e klipit “Sweet Melody”

Ish-ylli i “Little Mix”, Jesy Nelson, ka folur për herë të parë në lidhje me largimin nga grupi – duke thënë se u shkaktua nga një sulm paniku për mënyrën se si dukej në një videoklip.

Ajo tha se si kishte mbetur e shqetësuar dhe vazhdoi një dietë ekstreme përpara xhirimeve për këngën “Sweet Melody”, teksa kishte shtuar peshë gjatë karantinës.

Por, ajo kishte një problem në xhirime pasi ‘nuk dukej se si dëshiroja të dukesha’ dhe përfundoi duke qarë në dhomën e zhveshjes dhe duke u lutur të shkonte në shtëpi.

Në një intervistë të re me Cosmopolitan, 29 vjeçarja shpjegoi se si videoja e fundit muzikore e la atë në ‘pikën e thyerjes’.

Ajo tha: “Ne do të ishim në mbyllje dhe ishte hera e parë që mund të kisha një pushim dhe të isha në shtëpi rreth njerëzve që unë i dua. Ishte më e lumtura që kisha ndjerë ndonjëherë dhe nuk e kuptova atë derisa u ktheva në punë. Unë menjëherë u bëra një person tjetër”.

“Kam pasur ankth. Sa herë që kemi një video muzikore, unë i bëj presion të madh vetes për të provuar dhe humbur peshë. Kam frikë të shoh përsëri në kamerë. Nëse nuk më pëlqen ajo që shoh, e kam kaq të vështirë të jem para kamerës dhe të ndihem e mahnitshme dhe të interpretoj”.

“Unë kam qenë në izolim, dhe do të shtoja pak peshë, por nuk më interesonte. Dhe ata thanë, ‘ke një videoklip brenda dy javësh’ dhe në ato momente më kapi paniku. Unë shkova në një dietë ekstreme dhe u përpoqa të ha sa më pak të jetë e mundur. Në ditën e xhirimeve të Sweet Melody kam pasur një sulm paniku sepse nuk shikoja se si doja të dukesha dhe e pata shumë të vështirë të isha e lumtur dhe të kënaqesha”.

“Ekziston një skenë në Sweet Melody në të cilën nuk jam, sepse atëherë unë pata një sulm paniku dhe u shkatërrova. Isha si, ‘Unë thjesht dua të shkoj në shtëpi’”.

Duke folur për largimin nga grupi – i cili po vazhdon në mungesë të saj – Jesy thotë se ndihet e çliruar.

Jesy tani është në studio duke bërë këngë përsëri dhe këmbëngul se është mirë për shëndetin e saj mendor të jetë një artist solo sesa me në një grup vajzash. /Telegrafi/