Raketa e SpaceX, astronautët u paralajmëruan për përplasje të mundshme me ‘një objekt të paidentifikuar’

Katër astronautëve në bordin e anijes kozmike SpaceX Crew Dragon u ishte thënë se ata mund të ishin ndoshta në një “rrugë përplasjeje” me një objekt ‘të panjohur’ përpara se të ankorohen në Stacionin Hapësinor Ndërkombëtar.

Sipas mediave të huaja, përcjell Telegrafi, bëhet fjalë për rrugëtimin e një kapsule të ricikluar SpaceX që mbante katër astronautë dhe e cila mbërriti në stacionin hapësinor të shtunën – një ditë pas nisjes nga Qendra Hapësinore Kennedy e NASA-s.

Kapsula u ankorua në mënyrë autonome më shumë se 260 milje mbi Oqeanin Indian.

Dhe “çelësat” u hapën disa orë më vonë, duke bashkuar të gjithë 11 udhëtarët e hapësirës.

Lexo po ashtu Katër astronautët kanë arritur në stacionin hapësinor – pamjet që tregojnë pritjen që iu bë nga kolegët e tyre atje

Por katër astronautëve në kapsulën e ricikluar u tha që të përgatiteshin të përplasen në një objekt të paidentifikuar vetëm shtatë orë pas nisjes nga Qendra Hapësinore Kennedy të premten, njoftoi Futurism.

Siç vë në pah DailyMail, ekipi i NASA/SpaceX u informua për lidhjen e mundshme nga Komanda Amerikane e Hapësirës, ka thënë zëdhënësi i NASA-s, Kelly Humphries për Futurism.

Objekti që është gjurmuar klasifikohet si “i panjohur”.

Dhe sipas Humphries, nuk kishte kohë që astronautët të bënin një manovër për t’iu shmangur objektit.

Kështu SpaceX u tha astronautëve që të vishnin kostumet e tyre nën presion në rast përplasjeje.

“Mundësia e përplasjes erdhi aq afër saqë nuk kishte kohë për të llogaritur dhe ekzekutuar një manovër të shmangies, kështu që ekipi i SpaceX zgjodhi që ekuipazhi të veshë kostumet e tyre të presionit, si një masë paraprake”, tha Humphries.

Ndërkohë Komanda Hapësinore e SHBA-së ka thënë se Pentagoni i tha NASA-s për përplasjen e mundshme rreth orës 13:30 të së premtes – rreth shtatë orë pas nisjes fillestare. /Telegrafi/