“Baraku njoftohet me Barakën” (Barakah Meets Barakah) është film (komedi) i xhiruar më 2016 e që flet për jetën në Arabinë Saudite. Tregimi shpaloset në procesin e njoftimit të dy të rinjve që kanë emra të njëjtë.
Në rolin e Barakut paraqitet Hisham Fagih, kurse në atë të Barakës, Fatima Al-Banawi. Hishami ka studuuar dramën në Universitetin e Kolumbias kurse Fatima ka studiuar në Harvard për teologjinë dhe pozitën e gruas në islam. Arsimimi i tyre është me rëndësi dhe kjo i bënë këta dy të rinj të jenë aktorë të shkëlqyeshëm, gjë që shihet edhe në këtë film. Prandaj, filmi ka marrë kritika të larta dhe shpërblime të shumta ndërkombëtare.
Filmi është kritikë që i drejtohet shoqërisë konservatore religjioze saudite. Kritika shpaloset në procesin e njohjes dhe rënies në dashuri të këtyre dy të rinjve në një vend ku takimi publik i gjinive të kundërta nuk është i lejuar. Si shtesë, Baraka është nga gratë që refuzon të mbulohet në stilin tradicional saudit. Ajo është fotomodele dhe e pasur. Ka profil në Instagram me miliona ndjekës dhe privatisht bënë jetë të stilit perëndimor. Këtë aspiron që ta bëjë edhe publikisht. Por, në mediat sociale, për shkak të situatës, ajo në reklamat e saja nuk e publikon fytyrën e plotë. Kjo është arsyeja që në publik Baraka e pambuluar dhe Baraku i veshur në stilin perëndimor ruhen që të mos kapen nga policia religjioze.
Baraku është shërbyes civil, gjegjësisht inspektor komunal për mbikëqyrjen e rregullave të bizneseve dhe është i sinqertë deri në naivitet. Në kohën e lirë është aktor dhe luan rolin e Ofeliës (te “Hamleti”) për shkak se teatri nuk ka aktore. Baraku është nga shtresa e mesme, por jeton në një pjesë të Xhedës që është e varfër – nëse kjo gjë ekziston në Arabinë Saudite, shtetin më të pasur në botë.
Nëpërmes kujtimeve të Barakut, shohim se si dikur shoqëria saudite ka qenë liberale dhe tashti ka rrëshqitur në konservatorizëm religjioz sa që edhe takimet në vendet publike me gjininë e kundërt janë vështirësuar. Kontradiktat saudite mes gjinive, shtresave shoqërore, varfërisë dhe pasurisë, të kaluarës dhe të tashmes, humorit dhe seriozes, religjiozitetit dhe laicitetit, nuk ka se si të paraqiten më mirë se në këtë film. E tërë kritika është tejet e fuqishme dhe bëhet në mënyrë të qetë e duke e përdorur mençurinë dhe humorin tradicional arab.
Ngjarjet zhvillohen ngadalë dhe paralajmërohet ndryshimi i shoqërisë në të ardhmen. Ky është njoftim edhe për shikuesit e filmit për jetën në këtë vend. Prandaj, ky film, në të gjitha aspektet (regji, skenografi, aktrim) nuk ka se si të përshkruhet ndryshe pos si i shkëlqyeshëm. /Telegrafi/
Lufta Prigozhin - Putin
Më shumëShfaqja që thërret njerëzoren!
Kështu foli Nietzsche: Të jetuarit është vuajtje, të mbijetuarit është gjetja e një kuptimi për vuajtjet!
Paraqitja e tmerrshme e Mbretëreshës së ndjerë flet për fundin e epokës së statujave
Jeta në komunizmin shqiptar
Xhubleta, një histori 4000-vjeçare
Binjaket magjepsëse dhe shkrimtarët e famshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë