Ambasadori i Maqedonisë në Sofje ftohet në bisedë nga MPJ e Bullgarisë

“Sofja pret që Shkupi ta mbrojë të drejtën e çdo qytetari për vetpërcaktim”.

Ky është qëndrimi i Ministrisë për Punë të Jashtme i Bullgarisë, me rastin e siç thonë prej atje, manifestimeve të shpeshta të gjuhës së urrejtjes dhe diskriminimit në Maqedoni.

Z.kryeministrja dhe Ministrja e Punëve të Jashtme, Ekaterina Zakharieva ka ftuar zëvendës shefin e Ambasadës së Republikës së Maqedonisë së Veriut në Sofje, Vladimir Krastevskin për bisedë në Ministrinë e Punëve të Jashtme. Në takim mori pjesë edhe u.d. drejtoresha e Drejtorisë për Evropën Juglindore, Iva Kruleva.

“Diplomatët bullgarë kanë shprehur konfuzion dhe zhgënjim të thellë nga fushata e madhe negative në Republikën e Maqedonisë së Veriut kundër përfaqësuesit të Shkupit në Eurovision 2021, Vasil Garvanliev. Bullgaria do të vazhdojë të bëjë të gjitha përpjekjet e nevojshme në përputhje me parimet e së drejtës ndërkombëtare për të mbrojtur të drejtat e qytetarëve bullgarë dhe qytetarëve që deklarojnë identitetin e tyre bullgar kudo në botë”, thonë nga Ministria për Punë të Jashtme e Bullgarisë./Telegrafi/