Afërdita Dreshaj publikon fotografinë e takimit të parë me djalin e porsalindur: Sky Blue ti ndryshove jetën tonë përgjithmonë

Këngëtarja dhe modelja e njohur, Afërdita Dreshaj, të martën është bërë nënë për herë të parë.

Ajo dhe bashkëshorti i saj, hokeisti çek, Jakub Kindl, sollën në jetë një djalë, të cilën e pagëzuan me emrin Sky Blue.

Dy ditë pasi bëri publike ardhjen në jetë të fëmijës, Dreshaj vendosi të ndajë me fansat edhe momentin e parë kur e takoi atë.

Ajo ka publikuar në rrjetin social Instagram një fotografi, ku shfaqet së bashku me bashkëshortin, teksa i japin një përqafim më të voglit të tyre , pas takimit të parë me të në shtratin e spitalit.

View this post on Instagram

A post shared by Aferdita Dreshaj Kindl (@aferditadreshaj)

“Sky Blue, ti ke ndryshuar jetën tonë përgjithmonë…zemrat tona po shpërthejnë nga dashuria, 16 mars 2021”, ka shkruar këngëtarja dhe modelja e njohur në mbishkrimin e fotografisë.

Ndërkohë, të shumta kanë qenë pëlqimet dhe komentet nga ana e ndjekësve për çiftin, të cilët i kanë uruar jetë të gjatë të porsalindurit.

Sky Blue, i cili si emër është komentuar shumë nga fansat, ka kuptimin në gjuhën shqipe “Qiell i kaltër”. /Telegrafi/