U tha se ishte anije e alianëve, por sekreti i Oumuamua mund të mësohet shumë shpejtë

Sipas dy studimeve të reja, objekti ndëryjor thuhet se është një pjesë e një planeti nga një sistem tjetër diellor.

Që kur Oumuamua u pikas për herë të parë në sistemin tonë diellor në vitin 2017, ka pasur teori të shumta në lidhje me vizitorin ndëryjor.

Ato variojnë nga anija kozmike aliene tek teori tjera të ndryshme. Dy studime të reja të botuara në Journal of Geophysical Research të martën mund të kenë zbuluar sekretin e saj, transmeton Telegrafi.

“Oumuamua ka shumë të ngjarë të jetë pjesë e një “Exo-Pluto”, një planet i ngjashëm me Plutonin nga një sistem tjetër diellor”, tha një nga bashkëautorët e studimit, astrofizikanti Steven Desch, nga Universiteti i Arizonës.

Desch dhe bashkëautorët e tij supozojnë se planeti amë i Oumuamua u përplas me një objekt në hapësirë ​​gjysmë miliardi vjet më parë.

Përplasja thuhet se ka hedhur Oumuamua në drejtim të sistemit tonë diellor.

Tashmë në vitin 1995 në sistemin diellor

Sipas studimit, Oumuamua thuhet se ka hyrë në sistemin tonë diellor që nga viti 1995. Kur astronomët zbuluan objektin ndëryjor në vitin 2017, ai tashmë po lëvizte me një shpejtësi prej më shumë se 315,000 kilometra në orë nga Toka. Kështu që kishte pak kohë për të hetuar copën misterioze.

Në funksion të studimit, mbetet pak nga hipoteza se Oumuamua mund të jetë një anije kozmike aliene.

Autori i studimit Desch gjithashtu merret me këtë çështje. Sidoqoftë, në shkencë është e rëndësishme të mos dalësh në përfundime. /Telegrafi/