Prej 12 marsit në Maqedoni janë regjistruar deri në 60 tërmete

Nga 12 marsi, kur ndodhi tërmeti me magnitudë lokale prej 4.6, në Maqedoninë e Veriut janë regjistruar deri në 60 tërmete.

Shumica e këtyre tërmeteve kanë fuqi prej 3 ballëve, tregon për TV21 sizmologja Katerina Drogershka.

Ajo ka sqaruar, se seria e tërmeteve me epiqendër në rajonin e Mavrovës, kanë filluar në muajin nëntor të vitit të kaluar, por janë intensifikuar në mars të këtij viti.

“Seria e tërmeteve filloi vjet, në muajin nëntor me dy tërmete të klasës tërmete të fuqishme. Njëri ra në ora 5 të mëngjesit, me intensitet prej 5 deri në 6 ballë. Pas disa ditësh, në nëntor dhe dhjetor u regjistruar qindra tërmete nga e njëjta epiqendër rajonale të Tetovës dhe Gostivarit, gjegjësisht rajonin e Mavrovës”.

“Nga marsi 2021, sërish u intensifikuan. Më 12 mars ra tërmet i fuqishëm. Bëhet fjalë për magnitudë lokale prej 4.6. Seria u shpeshtua. Nga 12 marsi deri më sot, kemi regjistruar 50-60 tërmete. Tërmetet më të shumta kanë magnitudë mbi 3. Pjesa më e madhe janë ndjerë në pjesën perëndimore. Ende kemi tërmete, por nuk të jemi të sigurt që të themi se do të na presë ndonjë më i fuqishëm se ai i 5.00 ballëve”, tha Drogershka.